غير ا بْــكي يا عين غَرْ دي زيدي فـا لـتـــغراد

اوْ كل مَجروح الروح ليهْ نادي ايواسي هذي

ذي هي الكية ا لباردة صلد ا لصخر اندى

اوكحتي صبري ا لشي اشتا تاتي لاميعاد

اشتيوا تسقي روح راحلة تونيس الغادي

اقضى نحب وَاحنا اهنا الحين اتحين الوعدة



مزاوَدها بالصبر كان صامد الكل عنادي

وحده وَاتحدى الدهرسوق راسه داخل غادي

والهادي علقه ابداك لعقل اختم و ابدا



بولادوا دافي العش و الصبر إليهْ الزاد

حين نظر فالشر شاف و اعرف سوقه فاضي

هرب وَ اشرب من شي اخمر ما تَعصر مانهدى



ايقيل فَشغالوا امناوله أنيس التفراد

ملتزم بوقات صارمة جنب يَعتدي

اوْلادوا وبلاده وَلاعته مايطلب لفدا



غريب الدار يتيم صاحبه كتيبْ عل لوساد

ْراحْ امعاهْ اوصابْ راحته عَلْ لَمْهلْ غادي

يتبحر وَايسيح بين وردوا وَردة وَردة



كُنْتِ يابويا سْنيدْتي كُنْتِ لي مَلاَدْ

كُنْتِ لي واحة فيها تَرْتاحْ صْهودي

واليومْ أبويا مْحايْني حَلْفَتْ مَ تَهْدا


قلب البو حنْ فاضْ وجـــد
يَحمي اضنايته بالروح او لبداني
قلب البـــو مَ تصيبْ نــــــــد
ألُو تْـــجولْ فالارض اقصي اوُ داني
وَ حنين الـــــدار فين عوض
من غير دمع فايض جرحْ لكـنـــاني



سـنةْ الحياة موتها جات بلا ميعاد

او كل إنسان ايدوقْ حرها واللي جا غادي

اوكل مبدي متموم عَولوا منها لا بدة



غيرْ الولف اصعيب حر لفراق احرقْ لكباد

واخياله مزال كَيْروج أبَصوتْ اينادي

اتهلاو افْبعضكم يااولادي داتاً وحدة



تَنْفرقوا ذَهباتْ ريحكوا ..آها يالولاد

كي فرخ الحجلة الغايبة والديبة تحضي

غير اتر يش العش ضامنة فالليل الزردة



لاتيقة فالعين لا اسحور أو لفقي هنادْ

العمدة عل لعمال شُقْ درْبك حفرة هذي

آشا وَا من عينْ ..شو الطياير طاروا عمدة



كون فْسحر النفع كون لاحد انهض الجهاد

أم السم ألى اندارْ داك المرض الجلدي

الباقي غير اهتوف كا تْكلخ مُخ تْصدى



يومْ ميلادْ وْليدكان عندك عيدالاعياد

خوفان عْليها اوْبي الفرحة كملت هادي

غير اوْقفت لْقيتْ فوقْ راسي تاج تهْدى



كُنْتِ يابويا سْنيدْتي كُنْتِ لي مَلاَدْ

كُنْتِ لي واحة فيها تَرْتاحْ صْهودي

واليومْ أبويا مْحايْني حَلْفَتْ مَ تَهْدا


فالجد أجي تْشوف جــد
هيـــــــبة اوحزم يغضبْ بالقلبْ الحاني
فالسُلو جي تشوف شهد
بسمة مبسمة من عُمق الوجداني
نْــــغيـــبْ وَ نغيب ْ بين يد
لما نْـــحس قلبه ازمان امكاني



معظم هول أليوم فاش دقتْ ساعتْ لمعاد

ميعاد الميلاد عهد ْ يا نفس اعتمدي

عِمادْ الأسرة افْرادها آْو اهشيم كدى



إلى هُمـا كادين تنجح تنتج لحفاد

وِلاَ فشلوا فالطريق هادي صيحت الغادي

ما عْلى بو لومة اوْلاَ عْليه هو راهْ بدى



هاني سالوني على أخرها دوْرة تُعادْ

أنيا إنسان صانع التاريخ المــادي

طوعْتْ المادة اوْحرتْ فَاشْ ا نْهُوَ المبدا



أما الختمة فين ما اتصيبك ...داك الواد

غــــادي نمشي حيت جيت لخليفة فولادي

من يعمل الخير خلف خلفة جيل الفِدا



برضا ك آلواليد يا للي مثلك مـا ينعا د

غادي فطريقه اوْ حين تدهم ديما هادي

للطريقْ الصافي اوبيك لعجاجة كــا تهدى



امسافر ليك اموحشك بيك اعويني و الزاد

غانخلطْ عليك شي نْهار والتراب اوسادي

بعْدْ انكون خليت فوق هاذ الترابْ اوْسادة

كُنْتِ يابويا سْنيدْتي كُنْتِ لي مَلاَدْ

كُنْتِ لي واحة فيها تَرْتاحْ صْهودي

واليومْ أبويا مْحايْني حَلْفَتْ مَ تَهْدا


ينوي َولا يْــــــــــخيب سـعدُ
لنه البيبْ طـرقي ماهر دُهقاني
باغي ليتا الخير قصده سعدُ
همة اوْ شان وِايكمل دربه هاني
لميمة كيـــــــــف غَ تْسعدُ
تَرعاه بــاشْ بينا يقدرْ يعتا ني



بالحب اقهرتي التعب المرمة و الرداد

وَاحريرك بالعرق غازله بالروح امسدي

نسيج أوليسة الصامدة ما تخلف واعدة



اْو ْ كنت أنا جفال كا نعند دربي كبد

وانت تنادي ا هْيا وْليدي أجي عندي

الْحين افقدتك عادْ فقتْ باللي كنتِ ندا



اندمت اوْ باش انفع حين لعواد اضحات ارماد

ارْتاح أبويا او ريع راني باقي غــادي

غادي بين ا حرا ج واد كن ا جنان ا فوردة



واسلامي للحاضرين في هادي والتمجاد

دا نداء او ْليس دا الرثا للي غـا دي

نــدا للانسان كل كاين لازم يـبدا



يسلك درب الخير لو يْصيب افضده لعنا د

وِايقاومْ با لشر كل شر ا لبادي عاد ي

صراع الاجيال كاين اليوم ايكون غْدا



سُنة الـــــوجود يا بنادم ربوا لـَـــــــــوْلادْ

ترْبية لَــــغْدا امْوابدة فيدوا مَ لْماضي

لا تـَــصْلونـا بـيـه لـيـن صَلْية تــولد عبدا





خا لـد فالتاريخ يا الـبـو وَ افضالك تَزْداد

ما نْقدر نحصي اجـما يْـلك عفواٌ والـــدي

كيفْ وانت المبدا أنت ازعتي نبتت شهدة



من سال من السامعين عمن سيل لمداد

قول وهبي وَاطني سلا اوْشرقاوي عن جدي

سـبـــعْ سماني "مْـجيد " فرش غطى وَارضى


عندي هــــــما ابجوج رد وا
عنا صهود وَغْــــــــوايلْ دَ الزما ني
وَ للي مـازال را هْ عَــــنْـــدُ
يروحْ كــــــــي طوير للو كرْ ها ني
ولِّلــــي ودعُ مْشى وْفَقْـــدُ
عمدا عْــــــلى ميتم واخَ شيبا ني
وَشْكون سْخا بْفَلْـــــــدْ كبدُ
واخا ايكون مسْـــــلم وَللا نصراني
كبْــــدة وَحْدة اوْ قلب خلْدوا
ما دام هَـــــــدْ لْوجود وبعده ثا ني
يا ك المطر غَــــــــــيث وردُ
و َ نا الغيت بابا يَســـْقي بستاني
شفتْ الْـــبو حين حا زْ وَالدُ
خرْسات ريشتي خَجْلات المعا ني
هذ الحب آجايْ بَــــــعْـــــدُ
غير ا لســـلام للبـو حُبه اِنسا ني
مثل قلبه فين غَ تْــــــوَجْدُ إ
لا يْلا وْلَــــــدتي جر بتي عا ني
يمكن لَـــــبْــحور يوم رقدوا
والبو بـــــحر زاخر هايج نـوراني
قُــــــلبة بالامس فوق خَـدُ
واليومْ زرْت قـبره هاجت اشجاني
امطار الرحمة اسقات لَــحدُ
وَنْسيمهبْ حـامل صبري مكواني

قصيدة جميلة جدا ومطلعها في غاية الروعة والجمال:

غير ا بْــكي يا عين غَرْ دي زيدي فـا لـتـــغراد

اوْ كل مَجروح الروح ليهْ نادي ايواسي هذي

ذي هي الكية ا لباردة صلد ا لصخر اندى

اوكحتي صبري ا لشي اشتا تاتي لاميعاد

اشتيوا تسقي روح راحلة تونيس الغادي

اقضى نحب وَاحنا اهنا الحين اتحين الوعدة


شكرا لك سعيد محمودي على هدا الاخيار الجميل

أشكرك أخي وأستاذي السعيد بن العدود على مرورك الكريم وكل الشكر لمبدع القصيدة الشاعر عبد المجيد وهبي