فين الهوية

كانت مم ولات كَنَة
وللي بغ للا وسيدي
يشريها من السوق
والعاقرة حليبها ميروب.
*
يا منادم دق مسمار على مسمار
وسمر...
لا من يتسوق ليك
القفة بلا عراوي
عمرت ودكوها
وانت قليل الجهد
آش تدير ؟
تسلم فيها ؟
هم قادن على الثقل
من بكري خطو ليها .
*
يا الفاهم
جوع ول جيف
عند موتك منك يرتاحو
قالو الخير من الغرب جا
جا
وجاب معاه الهم والعذاب
عندهم قراو وتعلمو
واتمردو على الاجداد
تلسنو على السنة
وجهلو الكتاب
تلحدو وخرجو على طريق الصواب
حافظو على السمية والكنية
وفين الهوية؟
ولسانهم لا محل ليه في الاعراب

احمد حمانو
العوامرة
22/10/2010 م