الفن هو إلى اصراحه...حيت بلمعقول يتقال
ماشي النفس مرتاحه ...ولكـتابه بمشـحال
كاينين لي مشـحاحه ...وعايشـينها بهبـال
كاينـين لي بحبـاحه...ولي ماسوّْل ما سال
حاسبها سوق فلاحـه...راه يسـاوم بلمـال
يسحابلو الفن دلاّحـه...حاضي الميزان يتقال
ودّاتها لي لحـلاحـه...ضربات بالزين الفال
وصلات لي شطّاحـه...وبقات لي بلحـلال
...
وملّي قريـتُ عليـها...قالت لي شنو زعم؟
أنـا نعـبّـر فيـها ...وهي ما فهمات كلمَ
كلّْْها وكيف يدّيـهـا ...كلها آش عنـدو تمَّ
كاين لي بالدين يبغينا ...وكاين لي ماعندها حشمَ
كلها واش لقى فيهـا ...وكاين لي هـازّو المَ
لمره إلى حنّيت عليها ...كاين لي تشبعها دغمَ
وكاين لي رخفت ليها ...الدّير الكيف والشـمَّ
إلى بغاك ربي ليهـا ...شي مرَه فالدار نعـمَ
ولي الشر باين فيهـا ...وشي مره فالدار نقمَ
وكاين لي سـوّلتيهـا...لجواب منـها نغـمَ
وكاين لي فرحان تجيها..وترد ليك الدار غـمّ
...
بالـفن بغـيت نبـدَ ...وشوف كـيف ولاّتْ
الفن يا صاحبي وجده...كلها ليه آش عطـات
كاين لي كلامو رعدَ ... لي فالهـمْ يـبـاتْ
وكاين لي يفكر معدَ ...والفرق فـاش بقـات
خاسك تـحس بعـد...وخلّيها وكيف بغـات
خـلّي القلـب يبـدَ...خلّي
الهدره بسـكات
كاين لي كلامو زبدَ ...ولي سكاتـو بميـات
كاين لي حاسبها زردَ...وكل كرش آش كلات
وكاين لي شايفها وردَ...وراضي بلّي له عطات

أر نقولـها كٌِّـاعْ...الدنيـا تتســالَ
مالنا وهاد الصداع..مالنا وهاد لبسـالَ
كاين لـي منفـاع..واخّ لابس دربـالَ
وكاينين لي لفـاع ..واخ وقولولك لالّ
مايهمكش لي ضاع..ماتغرّكش الحـالَ
فلخاطر كاين لوساع.إلى راك عـوّالَ
كاين فالرجال سباع..مايعاشروش منوالَ
وكاينين لي ضباع ..وجبّـادين البـالَ[center][b]

اخي العزيزمحمد بوبكر
جميل ماسطرت يداك
لقد إستمتعت بهذا الشلال الزجلي الشيق
لك مني أفضل التحيات ومزيد من العطاء

الاجمل اخي الزجال سعيد محمودي هو مرورك الكريم
وكلامك الطيب
واعلم انه دائما تفرحني طلعتك البهية ايها الزجال الكبير
لك ودي وتقديري[b]