منتديات دواوين الثقافية و الأدبية

يا ما كَالو عل لغرام...

يا ما كَالو عل لغرام
حروف ومعاني ب لعرام
نصها يقتل ونصها يداوي
الصغير ولكبير عليه داوي
لاتلومو لمكوي ب نارو
ف حبالو داب ماشي خاطرو
يا سالك هاذ الدرب رد بالك
من شوقو و سهرو تعود هالك
ف حياتك تالف لاصحة لاعقل
بالليل بالنهار طايش كيف لبْهَل
خوذ م لغرام غير ب لوقية
وإلاّ تغرق وتعود مكوي ب لكية
ليالو من ألف ليلة وليلة
نصها حيرة ودموع وكثيرها حيلة
حلاوة كلامو عسل شهدان
تطلع عليه الشمس عسل كَطران
دموعو ويل يغرق فيها كل حبيب نية
ما ضرب حسبة وما دار فْ راسو مزية

وجدة 11/8/2013

ياما تقال ع الغرام
شلّا معاني و كلام
حارو فيه هل الروام
و حتى لّي صلّى و صام
كلشي خمّم
و ما فادهم تخمام
سؤال جاب لهم التمام
واش الغرام حلال
و لّا حرام؟

مع تحياتي
عيد مبارك سعيد

سعاد فايز كتب:: ياما تقال ع الغرام
شلّا معاني و كلام
حارو فيه هل الروام
و حتى لّي صلّى و صام
كلشي خمّم
و ما فادهم تخمام
سؤال جاب لهم التمام
واش الغرام حلال
و لّا حرام؟

مع تحياتي
عيد مبارك سعيد

إضافة في الصميم عزيزتي سعاد الله يعطيك الصحة.
عيدك ابرك واسعد يا سعاد.

الاخت نجاة احساينى ..كل عام و انت بالف خير

قيل الكثير عن الغرام ..الفوا كثبا عنه .كما كثبوا

سيناريوهات افلام عليه ..كما به القاصى و الدانى

على سبيل المثال .قالت السيدة ام كلثوزم ..اصل الغرام نظرة..

حميل ما خطت اناملك

محمد منار

محمد منار كتب:: الاخت نجاة احساينى ..كل عام و انت بالف خير

قيل الكثير عن الغرام ..الفوا كثبا عنه .كما كثبوا

سيناريوهات افلام عليه ..كما به القاصى و الدانى

على سبيل المثال .قالت السيدة ام كلثوزم ..اصل الغرام نظرة..

حميل ما خطت اناملك

محمد منار

مرورك سيدي شرفني وكل عام وانت ايضا بالف خير

https://2img.net/r/ihimg/photo/my-images/836/hne.gif/

في هذا يقول سيدي عبد الرحمان المجذوب

الحب من الحب ينثروه المداري نعمة من الله في الكبار االشيوخ او دراري
و يقول في مقطع اخر
الحب ايه يا الحب يا ما حلاها جلسة و المجمر واقد و الفاخر ظلمة
اتاي بنعناعو زاهر و القطبان غير لحم منسماهم شحمة
على الميدة دراري في اسريط المريط و في قصايدو غايب نور الدين برحمة

محمد القصبي كتب:: في هذا يقول سيدي عبد الرحمان المجذوب

الحب من الحب ينثروه المداري نعمة من الله في الكبار االشيوخ او دراري
و يقول في مقطع اخر
الحب ايه يا الحب يا ما حلاها جلسة و المجمر واقد و الفاخر ظلمة
اتاي بنعناعو زاهر و القطبان غير لحم منسماهم شحمة
على الميدة دراري في اسريط المريط و في قصايدو غايب نور الدين برحمة

شكرا على الاضافة القيمة سيد محمد القصبي

زجلية موفقة أختي نجاة احسايني
تبارك الله عليك
مزيدا من التألق

محمد بوبكر كتب:: زجلية موفقة أختي نجاة احسايني
تبارك الله عليك
مزيدا من التألق

اهلا بك اخي بوبكر في صفحتي لاتحرمنا من طلتك .شكرا على مرورك والله يبارك فيك اخي

يا لايمني ف لهوا
أعذرني و ارفق من حالي
ماجربتي حر لكوا
ولا سهرتي تعد نجوم الليالي
هم لغرام مالقيت ليه ادوا
لا سبوب طالب ولا زيارت والي
عذروني يا الشامتين فيا
أنا مجدوب و جدي جلالي
أنا مجنون لغرام
لي ما عذر يتبلا بحوالي
دخلني دخلا حنينة
ما ظنتو يقطع وصالي
سقاني من كاس الجدبة
جايل بلقوافي هايم بوهالي

زجلية موفقة مزيدا من التألق

علة الغرام هاوية ////والكثير عليه فقبة خاوية الى هويتي يطيحك فزربة ////ودقة نارو يقولوا عليها حربة...........راقتني زجليتك الاخت الكريمة نجاة..

عبد الرزاق الفلالي كتب:: يا لايمني ف لهوا
أعذرني و ارفق من حالي
ماجربتي حر لكوا
ولا سهرتي تعد نجوم الليالي
هم لغرام مالقيت ليه ادوا
لا سبوب طالب ولا زيارت والي
عذروني يا الشامتين فيا
أنا مجدوب و جدي جلالي
أنا مجنون لغرام
لي ما عذر يتبلا بحوالي
دخلني دخلا حنينة
ما ظنتو يقطع وصالي
سقاني من كاس الجدبة
جايل بلقوافي هايم بوهالي

زجلية موفقة مزيدا من التألق

كلمات زجليتك سيدي راقتني ...شكرا على مرورك بمحطتي

الجرداني لطيفة كتب:: علة الغرام هاوية ////والكثير عليه فقبة خاوية الى هويتي يطيحك فزربة ////ودقة نارو يقولوا عليها حربة...........راقتني زجليتك الاخت الكريمة نجاة..

اشكرك عزيزتي لطيفة على الاضافة الجميلة والمعبرة

» كَالو زمان
» حروف لغرام
» طبيب لغرام
» يا اهلي يا هل لغرام
» رموش لغرام