منتديات دواوين الثقافية و الأدبية

راني ساهر هاد الليله...نخمم ونقاد لـحروف
مال هاد لحياةْ لويلـه ...عايشين لحكّْرَ ولخوف
واحـد دّاهـا بـلحيلـه ... لاخـر قاعـد ويشـوف
هالّي تايقها وهبيلـه ... هالّي بالصّوف كي لخروف
ولّـي معـاه قـلــيلـه ... ولّي من ريشو منتوف
يّام لحـكّْْْره طويلـه ... متوْصفـهاش حـروف
وانا ساهر هاد الليله...وراني بسهيري معروف
......................
الفن هو إلى الصراحه...حيت بلمعقول يتقال
ماشي النفس مرتاحه ...ولكـتابه بمشـحال
كاينين لي مشـحاحه ...وعايشـينها بهبـال
كاينـين لي بحبـاحه...ولي ماسوّْل ما سال
حاسبها سوق فلاحـه...راه يسـاوم بلمـال
يسحابلو الفن دلاّحـه...حاضي الميزان يتقال
.....................................
شحال من هدرَه خسرات...بانْيِينها على الخاوي
خير من شـي السكـات ... هو دوى ويداوي
قالو لّي فات مات ... ولّي جاي فمطاوي
هالّي بايت فشتات ... هالّي عايش بتناوي
هالّي دافعها لغوات ... وهو من داخل خاوي
شي عايش بلفتات ... شي مكّْهوم بلمشاوي
شي بلجوع مات ... شي بالسمن ولملاوي
.......................
شفتْ لمدون مقامر ... والزهر هو لّي يختار
أنا عشت عمري مغامر ... ومازل ملقيتش الدار
شي بالشوى ولمجامر ... وحنا كي لقط ولفار
شي فبيروه شاخر ... وشي طالي لغبار
وشي بتخمامو عامر ... وشي قصّار فلبار
شي من اللوْل خاسر ... صابر كاتم لضرار
راني بهمّي عامر ... وردّيتْ همي فدفتار
................
صحاب الوقت قهرونَا ... كّْاع لي داروه مزيان !؟
فيهوم غير لقمّونه ... ولخاوي إبان إبان
لفلوس فلفوق مسكونه ... الحاله ديمَه مزيان
هوم جيابهوم سخونه ... وحنا لكتير عريان
الشابع فينا بزيتونه ... ولّ شبعانين حزان
لهموم بينا مقرونه ... ولفرحْ يمشي زربان
هدرنا وما سمعونَا ... سكتنا نغزّو لسنان
بغيناها زعمَ موزونه ...ياك عدنا ميزان
وْ إلى غابه علمونه ... ولحال يبان يبان...
...............
ومني قريـتُ عليـها...قالت لي : شنو زعمه؟
أنـا نعـبّـر ليـها ...وهي ما فهمات كلمَه
كلّْْها وكيف يدّيـهـا ...كلها آش عنـدو تمَّ
كاين لي بالدين يبغينا ...وكاين لي ماعندها حشمَه
كلها واش لقى فيهـا ...وكاين لي هـازّو المَا
لمرى إلى حنّيتي عليها ...كاين لي تشبعها دغمَه
وكاين لي رخفتي ليها ...الدّير الكيف والشـمَّه
إلى بغاك ربي ليهـا ...شي مرَه فالدار نعـمَه
ولي الشر باين فيهـا ...وشي مره فالدار نقمَه
وكاين لي سـوّلتيهـا...لجواب منـها نغـمَه
وكاين لي فرحان تجيها..وترد ليك الدار غـمّه
.................
بالـفن بغـيت نبـدَى ...وشوف كـيف ولاّتْ
الفن يا صاحبي وجده...كلها ليه آش عطـات
كاين لي كلامو رعدَه ... لي فالهـمْ يـبـاتْ
وكاين لي يفكر معدَه ...والفرق فـاش بقـات
خاسك تـحس بعـد...وخلّيها وكيف بغـات
خـلّي القلـب يبـدَ...خلّي الهدره بسـكات
كاين لي كلامو زبدَه ...ولي سكاتـو بميـات
كاين لي حاسبها زردَه...وكل كرش آش كلات
وكاين لي شايفها وردَة...وراضي بلّي ليه عطات

مجهود رائع تشكر عليه أخي المبدع المحبوب محمد بوبكر
قصيدة زجلية جميلة استمتعت جدا بكل ما جاء فيها
محبتي وتقديري

زجلية رائعة رائعة رائعة استسمح الاخ بوبكر ان اضفت على كلماتك الطيبة .واحد داها بالحيلة ///ولاخر قاعد يشوف ///شي على عافية مهيلة ///وشي جيعان يدور ويطوف ///وشي يبيع فسليلة ///كثر البيع قدام الديور بصروف ///مال العيشة ولات عليلة///كيف اللي يشوف كيف اللي مكفوف

رائع و جميل ماقرأت لك هنا أ،خي الزجال محمد بوبكر
لقد توفقت في رسم صور و معاني جميلة
أهنئك على هذا النفس الطويل
مزيدا من العطاء و التالق

سعيد محمودي كتب:: مجهود رائع تشكر عليه أخي المبدع المحبوب محمد بوبكر
قصيدة زجلية جميلة استمتعت جدا بكل ما جاء فيها
محبتي وتقديري

يسرني جدا مرورك البهي أخي الغالي سعيد محمودي
بارك الله فيك
لك تحياتي وودي وتقديري

لكلام الرزين مثقال جــــــــرعة
وعليه يتفاهم البايع والـشــــاري
الذواق يصفي فيه النڭـعـــــــــــة
وسعد لغلاق ف السبع خضاري

تحياتي لحرفك الراقي أخي الحبيب
سي محمد بوبكر لك مني كل التقدير
محبتي الخالصة

الجرداني لطيفة كتب:: زجلية رائعة رائعة رائعة استسمح الاخ بوبكر ان اضفت على كلماتك الطيبة .واحد داها بالحيلة ///ولاخر قاعد يشوف ///شي على عافية مهيلة ///وشي جيعان يدور ويطوف ///وشي يبيع فسليلة ///كثر البيع قدام الديور بصروف ///مال العيشة ولات عليلة///كيف اللي يشوف كيف اللي مكفوف

شكرا على مرورك البهي العزيزة الجرداني لطيفة
بارك الله فيك
لك تحياتي

يا له من شلال رائع من المعاني
و الالفاظ الراقية
دمت مبدعا اخي بوبكر
سنة سعيدة

ابراهيم الرامي كتب:: رائع و جميل ماقرأت لك هنا أ،خي الزجال محمد بوبكر
لقد توفقت في رسم صور و معاني جميلة
أهنئك على هذا النفس الطويل
مزيدا من العطاء و التالق

اعتبرت مرورك من هنا وساما لي
شكرا لك العزيز ابراهيم الرامي
لك تحياتي

عبد العزيز زكي كتب:: لكلام الرزين مثقال جــــــــرعة
وعليه يتفاهم البايع والـشــــاري
الذواق يصفي فيه النڭـعـــــــــــة
وسعد لغلاق ف السبع خضاري

تحياتي لحرفك الراقي أخي الحبيب
سي محمد بوبكر لك مني كل التقدير
محبتي الخالصة

الزجال العزيز عبد العزيز زكي
كرا على مرورك البهي وتفاعلك الجميل مع النص
لك تحياتي

سعاد فايز كتب:: يا له من شلال رائع من المعاني
و الالفاظ الراقية
دمت مبدعا اخي بوبكر
سنة سعيدة

شكرا لمرورك البهي المبدعة المتألقة سعاد فايز
لك تحياتي

زجتية متميزة دمت مبدعا

مسيعيد فاطمة كتب:: زجتية متميزة دمت مبدعا

شكرا لك أختي مسيعيد فاطمة
لك تحياتي

» الفن
» الفن
» الفن والإبداع
» رحيل الفن أم الفنان
» قصيدة من الفن المغاربي الأصيل

منتديات دواوين الثقافية و الأدبية

منتديات دواوين الثقافية و الأدبية

الفن..وصحاب الوقت