السلام عليكم ورحمة الله تعالى وبركاته اسمحوا لي ان اشارككم في هدا المنتدى بقصيدة زجلية وارجو من الله ان تروقكم
عداب الزمان
يا صحاب العقول والمعنى
سمحو لي نسولكم على السواك والحنة
وعلى الفقر والزلط والعداب والمحنة
شحال من مسكين ف براكتو يتمنى
حياة سعيدة ومور الموت الجنة
وشحال من طاغي عايش ف الفتنة
من عداب الزمان ما قاد يتهنى
الزين المفضوح شيطاني تابعاه اللعنة
والفلوس طغاو علينا حبابنا وخوتنا
يلا شافوك عطشتي يقولو حتى حنا
اما يلا غفلت عينك كان هنا
لله يا زمان قلي فين حنا
من حد الطير ما لقا سكنى
ومن حد الما هجر الجفنة
شحال من صحاب كانو عندنا
فوقت الرفاهية والهنا
واليوم من قصرت يدنا
من حد الدفا راه هجرنا

مرحبا أخي الفاضل الاستاذ عزالدين بلفقيه يسعدني ان اكون اول من يصافحك في هذه القصيدة الزجلية المعبرة
الف مرحبا بك بيننا تحياتي الصادقة

مرجبا بك أخي عز الدين و بزجليتك بين أحضان دواوبن ،تحياتي مع الود

مرحبا بالاخ الكريم عز الدين اعزك الله بالدين فالمنتدى ومشاركيه دوي قلب رحب اعزهم الله داعين لك بالتوفيق ووفقكم الله.