سول راسك
وكل راس
يسول راسو
يعرف فين مرساه
واشنو خاصو
اسمع ياراسي
ياراس الريوس
وفول لراسي يا ذاك الراس
اعرف انك كلك حواس
شوف ياراسي ياراس الريوس
لاتكون لعين واخبيث وفي حالك محسوس
يكون كلامك ارزين وحلو ماشي مسوس
اسمع واتمعن وما تنبس بكلمة سوء
قبل ما تتكلم وتنذم
والندامة ما تشفي لغليل
وتولي واحد مذموم وقليل
قليل الرجولة والاتزان
دير ياصاحبي عقلك في الميزان
خمم وفكر قبل ما تتكلم مزيان
ما تكون جاهل هيجان
تنطق وانت غاضب تيهان
ومن ورى كلامك يفوم الطوفان
والنفس الامارة تنوي الانتفام
كون متعقل وارزين
وفي احياتك ما اتكون احزين
وما تتالم بالجرح واتنين
عامل الناس كيف ما كانو باللين
دوام الحال من المحال
يتغير كل حين
شحال من واحد كان راس وارجع رجلين
اتشبت بالدين
وعند الله يكون اليقين
واحترام وقبول الفير علينا كاملين واجبين

سولت راسي وراسي سول راسو
وكال لي وليه سعدات كل واحدباحساسو
ولي بغا بخدم اهز فاسو
ويجمع من دابا راسو
ويبعد من العكز وناسو

اما لي عندو عساسو
غير امشي اكمل نعاسو
وكلامك اختي فتيحة له ساسو
وما عندي لك خلاصو

سولت راسي
قال لي لحرف ولا وسواسي

تحياتي اختي فتيحة رشاد على هذا البوح الجميل
منصور لعميري

الراس فيه للي إتباس
الراس للي مفيق دراس
الراس للي مقابل نشاط ولوناس
الراس للي بخوف الله عل لوقات عساس
المهم الراس فيه وفيه
مشكورة الاخت فتحية رشاد
تحياتي

تحيتي إلى أختي الفاضلة المبدعة فتيحة رشاد
قصيدة جميلة حفضك الله ورعاك
دمت مبدعة