منتديات دواوين الثقافية و الأدبية

الحمَدْ ياربي

الحمدْ ليك يا ربي عل طْبيعْتي

مازكيتْ نفسي أنت خيرْ منْ زكاها

عل دينْ الاسلام ومحبّتْ النبي

وشهادة بيك والروحْ أنت مولاها

أنت تعْرفْ إسمي وصورْتي

قبًلْ ما أنْكونْ ف بطًنْ مَيْ وحْشاها

عارًفْ بْديا ونْهيا ونْشايا وسِرْتي

وقبلْ لايكون ما خلقتي ف مرساها

نشكركْ ياربي سَوْتي بنانْ خْلقتي

وخْلقْتني عل ملّتْ محمد طهَ

أنت تعلمْ حقاً ما ف قلْبي وسْريرْتي

وتعلمْ ذاتي وخْطاها

إلا تبغي تمْحي زَلْتي

ونا بْوابكْ ماعندي سواها

إلا تبغي تعافي ذاتي

ما إعزَزكْ طبيبْ ف دواها

إلا تبغي ترْفعْ همْتي

تنْصرْها عل منْ عداها

إلا تبغي تصلحْ درِّيْتي

تشرقْ شَمس ف سْماها

إلا تبغي ثوبْ عليا وهَذي غايْتي

أنت تعْفني منْ نارْ وحْماها

يا ربي لاتواخدني هذي شكاتي

وشكوى ليكْ يا عالمْ مغزاها

ماقمتْ بلازمْ خاوْيَ جْعبتي

وعطْفكْ يشملْ السما وجباْل وَطاها

أنا عبدْ دليلْ ضعيفْ ف مْحنْتي

كنْ معيا يوم الحفْرة وغْطاها

يومْ لحساب وعطْراتْ درْجْتي

حالْتي ياربي تولاها

يوم الناسْ واقْفَ وَنا ف غْرَبتي

كنتْسنا كلْمتكْ ورْضاها

لايَني ظني وظنْ فيك سَرو ف ملْتي

اسي عبدالسلام لا كان غير الزلات غير صبر ماعندك ما تدير كاع بحال بحال قصيدة صوفية جميلة

الله يرحمنا ويغفر لينا مجموعين
قصيدة ليس لها مثال
اترجع لطريق المحثال
وتسبح ليها الطيور في اجبال
وكل مؤمن في قلبو ذرة ايمان
في هاذ اللحظة يقوم يسجد للله الخالق الرحمان

ونعم بالله
تبارك الله عليك السي عبد السلام

أخي وأستادي عبدالسلام البوعليوي شكرا لك أخي على هذه القصيدة ووفقك الله لما تحب وترضى تحيتي الخالصة

المبدع المقتدر عبد السلام البوعليوي..زجلية صوفية في منتهى الروعة والإبداع .. سلمت يداك
مودتي الصادقة

وانا نقول ليك
الحمد لله
هادي نفس و الله زكاها
تعرف زلتها
و بحكمتها تستغرف مولاها

تحياتي لك أستادي عبد السلام البوعليوي على هدا البوح الدي ينبع من صوفية الحرف التي تعلوا كلما وقفنا دونا تعالي مع النفس وقفة تقييم الدات
منصور لعميري

عمهم كتب:: اسي عبدالسلام لا كان غير الزلات غير صبر ماعندك ما تدير كاع بحال بحال قصيدة صوفية جميلة

الاخ الحبيب عبد رشيد عمهم سلام الله عليك

اللهم ارحمنا وجود علينا بفضلك وكرمك يا الله

تحياتي اخي

فتيحة رشاد كتب:: الله يرحمنا ويغفر لينا مجموعين
قصيدة ليس لها مثال
اترجع لطريق المحثال
وتسبح ليها الطيور في اجبال
وكل مؤمن في قلبو ذرة ايمان
في هاذ اللحظة يقوم يسجد للله الخالق الرحمان

الاخت الجليلة فتيحة رشاد سلام الله عليك

أختي الكريمة شكرا على شعورك النبيل وإيمانك القوي
تحياتي

المختار الافغيري كتب:: ونعم بالله
تبارك الله عليك السي عبد السلام

الاخ المحترم السي المختار الافغيري سلام الله عليك
مشكور اخي الكريم نرجو الله لنا ولك العافية
تحياتي

سعيد محمودي كتب:: أخي وأستادي عبدالسلام البوعليوي شكرا لك أخي على هذه القصيدة ووفقك الله لما تحب وترضى تحيتي الخالصة

السي سعيد محمودي المحبوب سلام الله عليك

وفقنا ووفقك الله للخير وحب الخير ايها الرجل الطيب
تقديري

ابراهيم الرامي كتب:: المبدع المقتدر عبد السلام البوعليوي..زجلية صوفية في منتهى الروعة والإبداع .. سلمت يداك
مودتي الصادقة

زجالنا الكبير والعزيز السي ابراهيم الرامي سلام الله عليك
لك مني كل التقدير والاحترام

منصور لعميري كتب:: وانا نقول ليك
الحمد لله
هادي نفس و الله زكاها
تعرف زلتها
و بحكمتها تستغرف مولاها

تحياتي لك أستادي عبد السلام البوعليوي على هدا البوح الدي ينبع من صوفية الحرف التي تعلوا كلما وقفنا دونا تعالي مع النفس وقفة تقييم الدات
منصور لعميري

الشاب النشيط والعزيز السي منصوري لعميري سلام الله عليك

أخي الكريم دمت لهذا المنتدى كالفراشة
محبتي

الحمدْ ليك يا ربي عل طْبيعْتي
مازكيتْ نفسي أنت خيرْ منْ زكاها
ولا حيلة معاك واشنو حيلتي
يوم تآمرالروح وانت مولاها
تبت ليك أربي امحي سيتي
وعلة ذاتي وضرها وبلاها
اليوم أو غدا نخلي خيمتي
وكسيبتي والدنيا وخْلاها
طامع ف عفوك وسبّقت نيتي
اضمن لي الجنة وطيوب شداها
-----
جازاك الله خيرا على الإدراج الطيب
تحيتي العطرة

عبد الغني الراقي كتب:: الحمدْ ليك يا ربي عل طْبيعْتي
مازكيتْ نفسي أنت خيرْ منْ زكاها
ولا حيلة معاك واشنو حيلتي
يوم تآمرالروح وانت مولاها
تبت ليك أربي امحي سيتي
وعلة ذاتي وضرها وبلاها
اليوم أو غدا نخلي خيمتي
وكسيبتي والدنيا وخْلاها
طامع ف عفوك وسبّقت نيتي
اضمن لي الجنة وطيوب شداها
-----
جازاك الله خيرا على الإدراج الطيب
تحيتي العطرة

الاخ العزيز السي عبد الغني الراقي سلام الله عليك

شكرا على بصمتك المعهودة ايها الجليل
تقديري

أخي و أستاذي البعليوي عبد السلام

قررت إدارة منتديات دواوين الثقافية و الأدبية ما يلي

الحمد ياربي Ouooo_10