منتدى الزجل المغريبي
إلى الزجال توفيق لبيض


* * ** * *

خرجت من مرايتي حفيان
وراسي عريان
نقول باقي يتسالني ما نسال.
شديت ف راسي
نمشي فالزمان
نخلي طاقتي
تقرا ساعتي
للباقي فالوجدان.

* * *

هذ الحياة بحال إلى رمادها
قريب ياكل ما بقى فالنهار من نيران

أنا آش تانعمل هنا !؟
شحال نسوى ﮔاع ف كبدة هذ الزمان ؟

* * *

ارموني حطب فالحياة
نشعلها فرح
نخليها نار تشطح ... تشطح
حتى تبات وتصبح
تصبح وتفتح
تطلع نهار تشرب بشوفتها قرن 21
تعرف كيف تشَرَّح سر هذ العالم وتملَّح

* * *
ابيض قلب سرَّاح الطرقان
بو سعدان
سعد الحنَّه ... نحات المرجان
سعد الحرف ... عصّار الريحان
زاده نهار العين سَر وشان

* * *

زوينَه ديالنا يا توفيق فالتعاويده
الوحش اخذني كيف اخذَك
واحنا تانشربوا الحرف من شهده وحده .
أنا معك ماشي احداك
عليَّ وعليك لامان
إلى طَلَّق باخوس الحياة حتى نوريها دار العرس
أنا امها ونا اباها
وهذا لها شذايا مع شذاك ......

ادريس أمغار مسناوي
تيفلت 28 _ 31 / 07 / 2010

أخي وأستاذي الغالي علي مفتاح أعتدر أخي على هدا الخطأ
وتحيتي لك من الاعماق ولي أستاذنا مولاي ادريس امغار مسناوي
والزجال المبدع خالد لبيض الذي سبق لي تعرف به والاستمتاع بقاصائده
وانبهرت لكيفية إلقاء قصائده
شكرا جزيلا لكم مع كامل تقدير ى واحترامي

الشكر الجزيل لكل من امتع واستمتع
شكرا للاخ الكريم سعيد المحمودي
والشكر كذلك للاستاذ ادريس امغار
وكذالك اوجه التحية
للاخ والاستاذ الكريم علي مفتاح
على التعقيب الجميل
مع ابراز القدرات