منتديات دواوين الثقافية و الأدبية

قالو زمان :

ولف عادة و قطع عادة عليها تعادا

قالو زمان:

.. .. ..

اللي قال عليك لا تقول عليه
ايلا درتي بحالو باش فتيه ..؟

قالو زمان

.. .. ..

اللي سمع لخبار بودنيه ... مشي بحال اللي وصلوها ليه

قالـو زمان:

.. ..

ما تقـول عشـرة

حتى يكونو ف التلّيـس

قالـو زمان

.. .. ..

ما تطمـع بالـرزق ... حتـى تسَبْـراه

قالوزمان :

الراجل بكلمتو اتقاس

ولد لحلال ما يلعب ببنت الناس

وبنت الناس ما يغرها لا مال ولا لباس

لفاهم افهم ولحديت قياس

قالو ازمان. خودها عايقة اتكون في احياتك لايقة

اضحك اقبل ما ايطيحو سنيك ووليو ضاحكين اعليك

جا يكحلها عماها

قالـو زمـان

.. .. ..

اللي رمى حايكو عليـا ... ما غطـى رجليــا

قالو زمان

.. .. ..

عيـب لبحيـرة تفتاشهـا

قالو زمان
.. .. ..
اللي بغاك ما بنى لك قصر ... واللي كرهك ما حفر لك قبر

قالوا زمان اللي ناعس غطيه واللي جالس عطيه

قالوا زمان
.. .. ..
دير ما دار جارك ... ولى حول باب دارك

قالوا زمان
.. .. ..
اللي درتـي بحالـو ... ما فتيـه بـوالـو

قالوا زمان

.. .. ..

اللي ما جابتو نية ... ما تجيبو لحزارة

قالوا زمان

ري السي بوسكري ..باع دارو وخرج يكري

للي دور صاحبو فالكتاب
حصلو المكتاب

كاينة السي عبد السلام..هههههه

كالو ناس زمان:
الحر بالغمزه والعبد بالدبزه

قالوا زمان
.. .. ..
يلا بانت المعنى ... لا فائدة ف التكرار

قالوا زمان
.. .. ..
ما تضرب حتى تقرب ... وما تصحب حتى تجرب

بنعيسى الحاجي كتب:: قالوا زمان
.. .. ..
ما تضرب حتى تقرب ... وما تصحب حتى تجرب

تحية للكلمة و تحية للحكمة أخي الشاعر" بنعيسى الحاجي"
دم موفقا كما أنت
محبتي

اخي الفاضل عبد الحق بنسالم زجالنا المكناسي المتألق ،
شكرا لك على تقديرك الانساني والفني ...
تحيتي لك وتقديري

قالوا زمان

.. .. ..

تغييــر لهـــوا ... أحسن من الطبيب والـدوا

قالوا زمان
كاين اللي عندو جوابو في فمو ,وكاين اللي داسو في كمو ,وكاين اللي حتى يشاور مو

گالــوا زمــان