ما تقيش عمري


ب الله عليك سيدي
آش بغيتي عندي
دخلت سوسة ف دمي
كْبر همي
شاب راسي
زاد وسواسي
فنيت شبابي
تقصم ظهري
طوال عذابي
بلعت الصرخة
في فمي
مسحت الدمعة
ب كمي
ل عرقي ما تمسح
ل جهدي ما تمدح
حياتنا وطْية
غليتها رجعت كدية
شكون يوصل ليها
لحدورة صبحت عكْبة
شكون يطلع فيها
الغلة ولاّت علة
لسعار فيها
نار....نار
ب الله عليك سيدي
آش بغيتي عندي
صبري دار دبرة
ف لحمي
فاق عليا غمي
شعل ف قلبي
نار....نار
والله عار عليك عار
سلبت قوت اولادي
وخطبت..
فهموني يا عبادي
انا ناوي الخير
انا باغي التغيير
....
ماشي على حساب
صحتي وحبابي
ماشي على حساب
قفتي وطيابي
عيب عليك وعار
والله غير عار
الدنيا شاعلة
شعلت معاها عصابي
وين نرد راسي
يا لخوت
حي انا وكنموت
ف حياتي
مكابر مع علتي
يا خوفي ملّي جاي
بوهزاز
أو بوتفتاف
وتكُول عليا
باي باي
طلق سراحي ها لعار
لاتكون جبار
ما تقيش عمري
خليني نعقل على كبري
نقابل الموعودة
ونا مْوكْضة
وللشهادة نكون مثبة


نجاة احسايني س/أ/غ 5/10/2014