سوق الدلالة

باعوالحرف
ولاحوه ف سوق الدلالة
داروا ليه كمامة
رجع ذلالة
ركبوا ليه الجلالة
ما بقى يشوف
لبسوا ليه دربالة
ولّى حثالة
قطعوا ليه الجْذر
ما قدر يعْبر
آآآآآآآآآآآش عند لحرف ما يدير؟؟؟
غير يتخبط ويبكي
لمولاه يشكي
لقى راسو وحيد
ف الدنيا فْريد
لابندق لارشّاش
لامدفع لا رصاص
لاهمم لاريّاس
لاذوك ولاهاذوك
الحرف يبكي
البايع ولمبيوع
الحرف يكفن
القاتل ولمقتول
الحرف يدفن
الشهيد والمشهود
شحااااال ضحكنا
م النعامة
حْيانا الله
واصبحنا نعام
ردمنا لحروف
ما بقات فّام
ماشمرنا كمام
ذبحنا لحْمام
قدمناه طواجن
لصحاب لمْقام
عام علينا ليدام
نخر الساس
غرقنا ف النعاس
حتى لاين؟؟؟؟
حتى لاين ياذوك الناس؟؟؟
ركبوا لحروف
زيروا اللجام
جْريوْا ف السربة
خْليوا لبارود
ديروا ليكم دخان
يعمي لعيان
يرفعوا ليكم الشان
يضربوا ليكم حسبان

نجاة احسايني س/أ/غ11/7/2014

اش عند الحرف ما ايدير
اتلف ليه التدبير
يبحث عل التغيير
اتبارك الله اعليك اختي [center][/ce