الصحبة....

الصحبة ف هاذ الزمان
ما تكُول عليها
غير غمامة ف السما
تحسبها ثقيلة ب لْما
وهي ما تسوى
كْرام ف لميزان
.......
الصحبة ف هاذ الزمان
ما هي غير معاشرة
الذياب للجديان
كُولوا لي يا لخوت
وقتاش ذياب
رعات لخرفان
.......
الصحبة ف هاذ الزمان
ما هي غير قصور
من رمال مبنية
بجنب الشطآن
ضربة م لموجة
تصبح ف خبر كان
.......
الصحبة ف هاذ الزمان
سور عال م لحلام
عبارو يزيد ب زين لكلام
ساسو صهيل
بلا لجام
......
الصحبة ف هاذ الزمان
ما هي غير عسل
مطْلي ب لعسل
حلاوتو ف طرف اللسان
توصل لحلق علقم
تجيب ليك التمام
.......
الصحبة ف هاذ الزمان
تحسبها مرجة باردة
تْلاح ف حضنها
تنسى لعذاب
ساعة الحَرْ تلكَاها
ناشفة سراب
.......
الصحبة ف هاذ الزمان
ديال ليلة ونهار
تبداها ضحكة السنان
وتليها طعنة ف الظهر
وتسليط اللسان

نجاة احسايني 24/2/2014