منتديات دواوين الثقافية و الأدبية

الصايم

عارف البكاء ما يرد الغايب
ولا الكمرة تكود التايه
ولا اللصاق يصلح العايب
لكن ف حالتي مازال فايه
*************
حيث الظلام مازال دايم
والتخمام ف الدرب ساير
والخش ع البحر عايم
والهنى من وكرو طاير
*************
من بعدما كان الواد سايل
بهاذ الهنى لي ولى غايب
ورجوعو ما ولى ساهل
الزمان القاصح ردو عايب
*************
الضبابة ردات الطريق واعر
حتى الساكنو ما بقى عارف
والليل حتى ف النهار ساهر
بطولو وعرضو ولى شارف
*************
ف التراب تلف الخاتم
ما يلقاه فقي ولا ساحر
ولا حتى عاشق ولا شاتم
غير لي هنا وليه حاضر

*************
ف قوتي وضعفي يا العالم
نتوجه ليك.أنت بوحدك القادر
تخلي صبري للضو قايم
يزيان به هاذ الحال الباير
*************
عبدك حميد من مكناس
من الشيطان ما هو سالم
ضعيف الرجل واللسان
جعلو من الحساب صايم

حميد الصنهاحي
السبت 01 فبراير 2014

حفظك الله ورعاك آخي ألعزيز الاستاذ حميد الصنهاجي مزيدا من العطاء وااتألق

الشكر موصول لك أخي محمودي على كل كلمة جاءت في تدخلك