حميد الصنهاجي
عضو فعال
المدينة : مكناس
عدد المساهمات : 412
معدل النشاط : 772
تاريخ التسجيل : 10/05/2011
الموقع : www.da-wawin.com
 |  موضوع: البلية ، الله يعفو  الثلاثاء 5 نوفمبر - 23:54 | |
| البلية ، الله يعفو
واحد ،عينيه كتحنزز ف الورقة
ومرة أخرى، هي للتلفزة شاهقة
كيقول ف هادي ، الزهر غادي يبقى
وغادي يجي عندي من هاد الزنقة
لكن عودو ف الجري طاح بزلقة
وهو اسخف ، تقول طاح من الحلقة
ملي فاق ، قال هاد الربحة حمقة
وما حدي أنا تابعها وهي لاصقة
حالفة ما تبعد عليه. ما هي مفارقة
حتى ترزيه ولا تكون لروحو زاهقة
ماحدو كيظن بين الربحة صادقة
غدي تبقى فحلقو راسخة بحال العلقة
تلهيه على خدمتو وتخلي أسرتو عالقة
* * *
واحد أخور، قدام الكنطوارجالس
القرعة رداتو كريم بزاف وفارس
سخي ،قدام لي عمراتلو بيديها الكاس
أ ف المصروف مع ولادو معاكس
ف الطريق ما هو فايق ما هوناعس
مرة يمشى ، مرة يطيح ويوسخ لي لابس
ف الليل مع االبكاء والضحك مسانس
الدجاجة ، بلا بيض ، قرقات فلالس
أ ف النهار رزين ، أ ولد المدارس
لكن راسو ثقيل وف خدمتو متقاعس
* * *
الله يعفو عليهم وعلى كل مبلي
البلية ترمي تحت الرجلين ،ما تعلي
لا تظن لعبة القمار عسل محلي
أو الشراب ينشط و ينسي و يسلي
فقاش تدير عقلق ف راسك ؟ قولي
اطلب المغفرة وأنت ك تقرأ وتصلي
ما يبقى لباسك ، بين أحبابك بالي
حميد الصنهاجي
الثلاثاء 05 نونبر 2013 | |
|
الرئيسية
