منتديات دواوين الثقافية و الأدبية

الوَخْضَة

باش حكمت لقدار
نعيشو حياتنا
بلا خيار
طْوال لعْمر
ولّى قصار
لابد ما نزور
لحفار
مشاوْ قبلك
الصْغار ولكبار
واكلين الشهد
ولّى واخذين لمرار
الدنيا فانيا
ماهي غير غْرار
بنادم ما يفلت ،
وخّى يكون م الشطّار
فْ لحظة
تعمى ليك لبْصار
تكُول آندايمي
ويلحقك لعار
جاوَرْ فَ حياتك
الناس لخْيار
ما تجوع ،ما تعطش
وتبقى كيف الصّبّار
الريح والشتا عليك
وصهد النار
ب قلب صامد
لاتعطي ظهرك لّ دْبار
نْوصيك
دير مَ لخير قنطار
راه عند ربي
ما يضيع عْبار
الوخضة ..
لْوَخْضَة الى رافقت لشرار
ما هاني هْنا ،
ولا فْ ديك الدار
بْ سوء عْمالك
وكثرة لَمْكار
فْ لاخْرة
تَّكْوى ب نار لجْمار
انت راحل ،
معاك كْفن
وعليك حْجار
فَ حياتك
ترجى حسن لَختام
وكثّر م َلذكار

س/أ/غ 25/10/2013

منتديات دواوين الثقافية و الأدبية

منتديات دواوين الثقافية و الأدبية

الوخْضَة