منتديات دواوين الثقافية و الأدبية

...بطرف لعين

شوفيا شوفة زينة
ولّى بلاش
لاتعطيني ب الظهر وتخليني
وتكُولي علاش
ياك ربي وحّدْالنفوس وفيها
نفخ الروح
لاتتكبر وتطغى وتخلي
غيرك مجروح
علاش تخلي بنادم يتالم
ب طرف لعين
راه لخزرة لكاملة م لحبيب
تْرَكّعْ جْبين
نوصيك خويا لاتْحقّر لغير
وتجرح حوالو
دورْكْ تدور ليام تقَلّبْ عليه
وْما تصيب والو
تبسم ب عيونك ولسانك وجْبَرْ
راسك عل لخير
راك تلقى من يهز هبالك
الى طحتِ ضرير
اللي بغى السبت يقدم لْ حَدْ
وعلى عشيرو يعول
دير بيا ندير بيك،وخوذ اللي
بغيت كَاع ما تْسَول
صفِّ قلبك يا مولاي وْحكَّم عقلك
ب حكمة رزينة
هكذا يعيش لمسكين مع لمسكينة
وتتهنى لقبيلة

س/أ/غ 14/10/2013

تسلم يمينك اختي نجاة استمتعت بزجليتك اتمنى لك مزيدا من التألق

نادية حمزاوي كتب:: تسلم يمينك اختي نجاة استمتعت بزجليتك اتمنى لك مزيدا من التألق

دمت بالف خير عزيزتي نادية