حطيتو

بقلم الدكتور المنصوري محمد نجيب

اول نضرة ذخل للقليب    سرح معايا ولى لي قريب
مساير همي درتو حبيب    حسبتو مني وضنايا

حن عليا معايا ف ضري    عايم معايا ديما ف بحري
عطيتو قلبي او سري    مساير الزمان معايا

عرف الدنيا وتفنن    غار ف الدواخل وتمسكن
حس براسو تمكن     زاغ وتقرب لعدايا

سرف ولا لي عدو    ماترك والو من جهدو
ناكر او منكور خلف    بوعدو وهنا بدات الحكاية

تبدل ولا لي غريب    من جنبي خرج لي طليب
كل ما تربي تصيب    الا الحجلة ولد الذيب

بنادم خرج للعيب     للصداع وصداعي صعيب
الله علام الغيب    على ضلمهم ايكون معايا

طيتو فبالي او مخي    نهار حسيت به مرخي
ف المصيدة طاح فخي    حيحت او شاف سوايا

نعلت الشيطان ما اديتو    خبتو راني قريتو
سامحت ف حقي ما خديت   و مسالم او سيفي حدايا

هاذ الصاحب راني نسيتو    ف مزبلة الاشرار رميتو
سطل بلا تقرقيب حطيتو    شريت راحتي و دوايا
انتهت