منتديات دواوين الثقافية و الأدبية

الشــجـــرة

يا لي ناعس تحت الشجرة
و موسد من الأرض حجرة
بقى مرتاح.ولا تديها ف هدرة
حتى تشفى من وجع العثرة
* * *
تمتع بالهوا ، يلا زارك
بوحدو يخفف أضرارك
ويلا شكيت يخبي أخبارك
وما يفضح لحد أسرارك
* * *
يهز معاك ثقل حالك
و يفهم ل شاغل بالك
الهم لي غير أحوالك
و غدا ل كثر تسوالك
* * *
يلا جاك الرعد وبغى يعرضك
لا ثق به.راه يزيد ف مرضك
ويقلب طولك على عرضك
و ينسيك سنتك وفرضك
* * *
ف ضعفك ، يدخل ل سوق
سوق خضرتو ما عندها ذوق
يوكلك قطرات عسل محروق
ويغسل وجهك بماء مسلوق
* * *
بقى ف بلاصتك مرتاح و هاني
راضي بوحدك لحالتك ك تعاني
لا ضيق . الدنيا كلها سواني
الله عالم بها . هو الشافي الغاني
* * *
وذكرو ب الحمد ف الصلاة والسنة
وللشياطين دعي لهم بالنار واللعنة
لهنا لي ضاع ، تلقاه ف الجنة
هنا يتبدل عذابك ل راحة و محنة

حميد الصنهاجي
الأربعاء 09 أكتوبر 2013

أخي الفاضل الاستاذ حميد الصنهاجي دمت ودام عطائك تحياتي الصادقة

[b]أخي العزيز سعيد محمودي دمت ودام وجودك بالمنتدى
مع دعواتي لك ولأسرتك بالصحة والعافية[/b]