منتديات دواوين الثقافية و الأدبية

لا ديــر بــحــالــي

لا تسمول ديما على حالتي
عييت ما نشرح ليك ليعتي
باينة بلا قمرة ف ليلتي
غير حل عينيك ل جهتي
شوفت العين صورة خديعة
البصر يغشك يلا نزل دمعة
وضوء القلب نوارو ساطعة
يفيض دم ف سواقي سريعة
صورتي تخفي حال مجروح
ب كلام على لواح مشروح
ما قدر يقولو حلق مبحوح
بالنهار والليل يظل ينوح
وراق من شجرة ميتة طاحت
وعل أرض ناشفة ساحت
وعلى وديان صافية زاحت
عروقها من حر لمرض ناحت
اقرى بين الحروف كلام
باين واضح حتى ف الظلام
و يلا ما فهمت. قدم السلام
ل أهل لغرام .هازين لعلام
سولهم على الحب واسرارو
العاشقين الشاخدين ف تحيارو
تشوف حال العاشق ب أنظارو
خوفي يلى تصيبك أضرارو
يلا قاصتك نيران الهوى
ما ينفع فيك حرز ولا دوى
ولا طبيب أو فقي سوى
ولا جيب اعمر ولا خوى
لا دير راسك بحال شي جاهل
لغرام بحر ما شي ساهل
أو بير واسع وغارق قاحل
عقل العاشق ديما راحل
يلى تصابيت.لا دير بحالي
فوض أمرك وادع العالي
يرحم من العذاب بالك وبالي
من غيرو ما ينفع والي

حـمـيـد الـصـنـهـاجـــي
الجمعة 04 أكتوبر 2013

مررت من هنا لاحييك
فتيحة رشاد

]تبارك الله عليك السي حميد
زجلية جميلة
مزيدا من العطاء والتالق [/

[b

]إلى الأخت العزيزة فتيحة رشاد
شكرا لك على المرور . أدام الله في عمرك

أخوك عبد الحميد ( كما تسميه )

[/b]

[size=24

]الأخ العزيز إبراهيم الرامي

دائما بنفس الطيبوبة والعبارات الرقيقة . شكرا لك عى المرور

أخوك حميد الصنهاجي

[/size]