رغوة لْمَا
ركَادي طويل
ماليه فياق
جيبو لْغايْطة ولبندير
لخاطر وساع مافيه ضياق
كُولوا لدوك النايمين
باراكا مَ لعياق
نقصوا مْ لَحْماق
لبحر كَادي
مْواجو تغلي
ولحوت مْخيم وهو ضايم
عطات ريحتو
ورجع مْخللْ
الرغوة جايا من بعيد
مالحة تذبح
فوق النايمين تسبح
وهما ما داريين
ناوية على شي حاجة
بيضة ولّى كحلة
الله وعْلمْ
جايا وهازّة اعْلام
اعلام لْوَلْيا والصالحين
طالبة راغبة من دوك النايمين
يكَعدوا لْميلْ
يسخنوا الطرح
يفرقوا لْفرح
شايَ الله آسيدي فلان
وسيدي فلان..
خرجوا من دار الضمانة
سَّرحوا بلا حصانة
ضَويوْا ضْبابة
كَمْسوا لَغمامة
رزموها فْ رزمة
لوحوها للموج لعالي
تفْركْها الرغوة
بلّي عطى الله.
الرغوة صابونها
ما كْفى
حضنها ما دْفى
غليلها ما شفى
وريقها جفى...
الرزمةعايمة فوق لْما
حتى لاين.....؟؟؟؟
طير ياطير وْطَيّرْها
هشّشْها..،مَرَّشْها..
وِيلَا ما قديتش عليها
عيَّط عل فيل ولفيلة
يفرسوها..،يْكَرفسوها..
وهكذا تتهنى لقبيلة
وما يعود ركَادي طويل
وما يبقاوْا دوك النايمين
ويعود للرغوة لونها
ويعوم لموج لعالي
فْ لبحرلبارد

وجدة 29/7/2013