منتديات دواوين الثقافية و الأدبية

وردتــــــي

[b]
نسالك يا ربي ، يا منان
بجاه رسولك محمد العدنان
ودار الضمانة أهل وزان
وبركات كل سيدي ، فلان وفلان
على وردة فريدة كانت ف جنان
بين يدي سقيتها ونا فرحان
غمقات بريحتها كل لكوان
وما بان ذوقها ف كل نسوان
كانت زينة الشان والمرشان
وعودها متين من الذهب والمرجان
ما تكتبات وصافها ف ديوان
وما ذكراتها حكايات كان يا مكان
ولا قدر يرسم خيالها حتى فنان
ملي ضاعت ، قلبي تكوى بنيران
محبتي لها دايمة بلا زيادة ،بلا نقصان
وصورتها قدامي فايق ولا نعسان
قلبت عليها ف كل البلدان
و سولت عليها لحباب و العديان
حتى واحد ما عرف ليها عنوان
غير تلمدات ف ثوب من الكتان
وداخلة فرحانة من باب الريان
نشوف ، وخى ف لمنام ، البرهان
من فراقها ، خاطري عايش ف لهوان
تسقيه أيامو و لياليه لحزان
أ من حرها ، جرات دموعي وديان
ما قدرو يحبسوها عشاق ولا إخوان
الكية توسعات بطول الزمان
ما سول علي خو ولا دقو جيران
ونيسي ماء كحل حار ودخان
تقوص الظهر وحفاو السنان
خفت نبدلها بأخرى ، نولي ندمان
تبهجني ف ساعة من نهار مزيان
وترميني سنين بين نياب حيتان
ولا توكني بضحكة حبة من الرمان
أ تشربني عسل مخلط بسم الثعبان
علاش ما نبقى طير بين لغصان ؟
ونزل على قصور ناس الغيوان ؟
يا وردتي ،أجي تشوفي قرة لعيان
مشموم طه و المهدي وحتى عمران
حفظهم يا العالي ، بجاه كل آذان
من كل شيطان كان إنس ولا جان
أشوف من حال حميد يا رحمان
قليل الحيلة والصبر والنسيان
تولاه من ناس عاشو ف لمان

حــمــيــد الــصــنـــهـــاجــي
الأحد 05 مـــاي 2013

[b]
زجلية رائعة من قصائد العشق المغربي العفيف،ذكرتني بصاحبة الخلخال ،والعاشق الولهان يبحث عنها
في أزقة فاس ودروبه واحيائه الشهيرة،وهو يصف تباريح الهوى وعذاباته الجميلة
ما شاء الله عليك أخي حميد ،نظمت فأبدعت وأطربت
لك مني تحية تقدير واحترام

أختي أمينة اغتامي
شكرا لك على المرور و على الاهتمام . وإن تشجيعاتك قد أعطتني شحنة للمزيد والعطاء . فبارك الله فيك وفي أناملك التي خططت عبارات رقيقية
مودتي لك أختي

تحية اخوية صادقة احيي بها اخي الصنهاجي على على هذه الزجلية التي تعكس معاناته وحرقة الفراق للمعشوقة الهمك الله الصبر وعوضك بها خيرا مودتي

أختي فاطمة مسيعيد
لك مني أخلص عبارات التقدير والاحترام أولا لمرورك على صفحتي وثانيا على عبارات المواسات وكذا رأيك في القطعة .
مودتي الأخوية الخالصة