السبة

لقيتها سبة
ودرت راسي براني
لاحوني من بعيد
من تمة ونا نعاني
لقيتها سبة
ودرت راسي مريض
خافوني نعديهم
واعتبروني بغيض
لقيتها سبة
ودرت راسي كَاع ما نفهم
باعوني ف سوق الدلالة
وزادولي الهم
لقيتها سبة
ودرت راسي زعما قاري
عطاوني الفنجال
وطلبوا مني نشعل النواري
لقيتها سبة
ودرت راسي فقيه
طلبوا مني نشرَّع كيف بغاوْا
ولاَّ نكون سفيه
لقيتها سبة
ودرت راسي نبكي
تقربوا مني وفشاوْا سري
وحلفت عمَّرْ ما نشكي