الله على شوهة
صبري يا بلادي صبري يا الغالية
را ولاد ك شوهوك فادغال افريقيا
ومع من مع منتخب صغير مع طانزانيا
شوهوك وضحكو عليك وحرقو دمك بنار كادية
لا غيرة على البلاد لا روح قتالية عالية
النفوس الباردة والركابي الخاوية
قلنا الغالطة فالمدرب
بدلناه
قلنا الطاوسي غدي يستر العيب
وعاوناه
سعا باع لينا الوهم الهضرة ف كليب
وتيقناه
انا بعدا بكيت وضرني راسي
على هاد المهزلة وهاد الدل القاسي
باركة عليك شي فرقة بحال المغرب الفاسي
اما المنتخب بزاف عليك اسي الطاوسي
لا خطة ف الملعب لا لعاب مرموق
من نشوفو داك بورزوق
مياة كرة براسو لاحها لفوق
ولا وحدة دخلت للصندوق
كلشي خايف كلشي تالف لا هجوم لا دفاع
واش كانو مقرقبين ولا منفحين النعناع
كفى وباركة را راسنا تفرقاع
امتا ءمتا نتهناو من هاد الصداع
كمكانش المياغري نقد المارمى
كرا غلبونا ب عشرة تما
وكان غدي يزغرد الغراب ف السما
وبزاف فاول خرجة هزنا الما
حنا بغينا المدرب الافك بحال الزاكي
لي ما تيجلسش ف الكرسي يلعب ويطاكي
وعندو غيرة على البلاد لابس الكاكي
بعيني شوفتو فتونس باكي
وبغينا رئيس الجامعة لي طال نعاسو
يجمع هلو وصحابو وناسو
ويمشي فحالو يقاد ضراسو
مع داك المستشار لي عاجبو راسو

شكرا لك اخي السعيد بن العيدود على مرورك الكريم ملاحظاتك في محلها ولان هده القصيدة كتبت في دات اليوم لم استطع ان اكبح الغضب الدي انتابني شكرا