صديقي الغالي عرفتك ايام قليلة
ولقيت حياتي لحياتك مثيلة
تشاركنا كل حاجة حرقاتنا على نار مهيلة
لقيتك بحالي قلب كبير الى شكيت تصغالي
ما تمل ما تكل من شكواتي وسوالي
كل ما الهم قلقني نكلمك والدنيا تصفالي
بلا ما نحس نلقا راسي ليك نسمع
وبكلامك الموزون نقتنع
وصفتي حالتي قلتي نتي وردة فمستنقع
دهشني كيف فأيام قليلة قلبي فهمتي
ليك ارتاحيت وحكيت قصتي
ليك صرحت بوجيعتي وغصتي
لقيتك بحالي من الدنيا دقتي المرار
تعدبتي وبكيتي فهاد الزمان الغدار
بحالي تايه تقلب على الفرحة وعلى خاتمة لكل ماصار
ليا حكيتي يا صديقي ما فدخالك
وحبيت نقولك دابا ايامك تصفالك
ولي نساك يا صديقي الغالي محيه من بالك
يا صديقي أنا كيفك تعلمت درس كبير
الدنيا كافرة مافيها لا حب ولا خير
لكن يا صديقي لا تقنط ربي كبير

ونعم بالله أختي نادية كم تألمنا وتألم غيرنا لكن مع كل هذا تستمر الحياة
فلولا الأمل والتحدي لمات نصف المجتمع
لعل اطلاعنا على مصائب غيرنا رحمة من الله به ننفس عنا
دمت مبدعة راقية

Hafida Nasim كتب:

ونعم بالله أختي نادية كم تألمنا وتألم غيرنا لكن مع كل هذا تستمر الحياة
فلولا الأمل والتحدي لمات نصف المجتمع
لعل اطلاعنا على مصائب غيرنا رحمة من الله به ننفس عنا
دمت مبدعة راقية

سعدت جدا بمرورك غاليتي اتمنى ان تكوني على خير ما يرام لك مني اصدق التحايا