Album : Public


سفينتي باقة جوالة
تسرات كاع البحور
و حطت فشلى مدن
و لازالت فلبحت عوالة
تقلب على جميلة البلدان
على بلاد فايضة سلام
على بلاد زينها ماهو هندام
لكن زينها فقلوب ناسها
مافيها غش مافيها خديعة
ما فيها قالت و قال
ما هي دميمة
** **
سفينتي باقة جوالة
برغم الدقات لي كلات
و الحروبات لي دوزات
لازالت فلبحت عوالة
برغم عودها لي رشى
و شراعها لي مع الريح مشى
لازالت فلبحت عوالة
تلقى صالح و تجرب الطالح
هاد حال حياتي
سفينة فبحر مالح
هايمة جوالة
عساها فيوم
تلقى المعلوم
و يرتاح البال ما يبقى مهموم

الاخ عصام البحتورى سفينتك ماضية نحو الامل

المنشود رغم تعرضها لمشاكل ثقنية داخل البحر

و هذا راجع لربانها المتميز .لا تقلق صديقى

تحياتى اليك و الى طاقم العرائش .الاستاذ الراماى

الاستاذ السلطانى ..

محمد منار

هايمة جوالة المحطة فالقصرما فالنوالة...هكذا الحياة واحنا ماليها نواجهوها والقبض بايدينا ..زجلية رائعة من واقع الحياة الاخ عصام البحتوري مشكورا.