حكاية لغزال
سولوا لغزال:
مال لغزال شارد لبال؟
كََال ليهم:
صفار وذبال
كثر عليه لهم
وقلة لمال
من بعد ما كان
سيد الرجال
مول الشوار والراي
ليوم تبدلت الاحوال
تخلطت ولا بغات تصفى
ولعب خزها فوق ماها
والرايس بلا حكام
هو سباب خلاها
ينهى ويامر
للسوء يجاور
للجهلا(ء) يحاور
واللي بحالو يشاور
كيف لهاذ لغزال
يهنى ليه لبال
ويتقاد عندو لحال؟
من بعد ما اصبح غريب
وهو اللي كان قريب
مَ لمجمع نفاوه
وحيد فريد خلاوه
يبكي عل ليام
ويتفكر وتد لخيام
ولعاهد لمكتوب بالاقلام
داروها فيه حسيفة
ونعتوه ب لعيفة
هاذ الزمان
ميزانو مقلوب
الصحيح فيه معطوب
ولحق فيه مسلوب
ولعدو اصبح محبوب
لخدع ولكذوب شطارة
لمحبة ولا ت بَ لحزارة
تباع الشرف فَ الشكارة
وعشت انا واللي بحالي
فَ لخسارة
تعالى جمعها يامن جلاها
وقاد لحالة يامن خلاها
س/أ/غ 21/2/2013
الرئيسية
موضوع: حكاية لغزال 
الجمعة 22 فبراير - 0:24
