الهم الحايل
انا لمكوي بهم الدنيا
ما بقيت عرف راسي م رجليا
عايش ف غابة ناسها حطاب
بغيت نلحقهم وفاتني الركاب
بنادم مسرج هايل مايل
بمطمورة سرها هم حايل
عطات الريحة وسالت ب ليدام
كبير السلهام وحل وطاح لحزام
شكون يلم لحريرة زايدة تسيح
ما همها عكايب ولا حفاري فين طيح
كانونها شاعل جمرة حمرةللعيان
يا من يطفي النارويبدلها ب جنان
سير يازمان وجي يا زمان وليك مني سلام
رشاو لعظام وقل الطعام وتهرسوا لكدام
بالله عليك يا زمان لاتخلي الاحلام سراب
وزيد ب لمركب ف الضحى وزوًل الضباب
س/ا/غ 16/2/2013