منتديات دواوين الثقافية و الأدبية

أخي ما شاء الله ، دلالات ورموز جسدت في حلة شعبية تمثل الواقع وترسمه بحروف ومعاني من الترات الشعبي . دام لك التوفيق .

شكرا لك أخي المبدع زهير بونكاب
مرورك بمتصفحي أسعدني كثيرا
مودتـــــــي

توسيدة
14

2 ـ يـوا دابا أرا حالك
من حيث بيا عاد رضيتي
بالمعنى رطاب لسانك
سوّل وسال كيف بغيتي

ف شان الكتبة شاور عقلك
ف لبـرّانـي والـدّخلاني
يتوحّد لكلام ف شكلو سالك
تخيـَل ونظم ف بالك هاني

يتبع

توسيـــــــدة - صفحة 3 Empty

الشدة بحرف ولا زوج فالزجل
والمد يتحدف ولا ما منو مقال
يلا داك الميزان من حال لحال
كيفاش يتعرف وتميزو فالموال

توسيدة
15

2 ـ واش المعمول في نظرك
ف بحر اللهجة واش تعـاني
ولى تعـوّل على مجهودك
تخاطب لمواج ب لمعانـي

تفتي وتـﮔول بجهد لسانك
وعاشق لكلام واش يفهمك
بشكل الكتبة اللي ف دماغك
تصبح حروفو بحال حروفك

تعبـَر وتـﮔول ها ميزاني
عبارك وافي ﮔد مقامَك
ويـلا تزهدَل زيـد حفـاني
وما تولي ف حال سبيلك

يتبع

هذا هو الميزان أو القياس
وكلامك موزون أو عندو ساس
وهذا ظني فيك يا ولد الناس
نروى من طيبك عطر الأنفاس

اغتامي عبد الاله كتب:: الشدة بحرف ولا زوج فالزجل
والمد يتحدف ولا ما منو مقال
يلا داك الميزان من حال لحال
كيفاش يتعرف وتميزو فالموال

شكرا لك أخي على اهتمامك وتتبعك لمشاركاتي الزجلية
متفاعلا مع صور مضمون النص
تحيتــي لك

اغتامي عبد الاله كتب:: هذا هو الميزان أو القياس
وكلامك موزون أو عندو ساس
وهذا ظني فيك يا ولد الناس
نروى من طيبك عطر الأنفاس

شكرا لك أخي على انطباعك الفني الجميل
حول مضمون النص ، جازاك الله خيرا
تحيتي لك