شحال تمنيت يزورني ف لمنام
سيدي وسيدك النبي خير الانام
سيدنا محمد زين السمية ولكلام
اخر الانبياء ومن شهداء الاسلام

نحكي لو ما بيا وما جرى لخوت
م الظلم ولحكرة ولجوع وقلة لقوت
بدموع نبكي وما نخلي لفرصة تفوت
وعلى يدو نشد ونشهَّد ونفضل نموت

رسول الله انت حبيبي وتاج راسي
باقوالك وفعالك وسنتك يتجْلى وسواسي
نعيش ف طاعتك وف حماك تزول كل مآسي
ومن حوضك الى شربت هاذاك احسن كاسي

قال امتي وبينا تباهى قدام كل لخلق
سعدات من نال شفاعتووباريج لجنة تعبق
كرمو ربي بشوفتوبالبوراق بسرعة لبرق
حيت هو حبيب الله وأصلو ونسبو افضل عرق

المسلم فينا ما بقى مسلم غير بحروف
باع نفسو والدنيا خذاتو وارجع ملهوف
نسى الاخرة ونسى انو بالنار محفوف
لقصور ولمال زايل وف َكْفن يكون ملفوف

الدين ف زمانا اصبح جمرة كادية ف ليد
ما يشد عليها غير الراجل المومن الفذ
اللي باع الدنيا بالاخرة وفكر ف ليوم ولغد
وفي حياتو كلها اتقى الله وجد وكد

خذني معاك من هاذ الدنيا مليت
ديما حاسة بالذنب وخا صمت وصليت
الفتنة ف الدين ولعقل ولقلب شفت وعشت
وعل الذنوب لكثيرة انا ما قدرت

نشهد بالله الواحد الاحد القهار
خالق الكون وما فيه وهو القهار
ونشهد بيك ياحبيب الله الصبار
انت الرسول محمد عريس ديك الدار

س/أ/غ 12 ربيع الاول 1434ه