مالنا ياناس واش بينا
اش بينا على بعضنا قسينا
نخونو ونبيعو غالينا
وعلى الحق نسدو عينينا
كل واحد يفكر فحالو ومحتالو
نشوفو خونا يبكي مانسولوه مالو
كلها دايها فراسو وعيالو
ما بقات ثقة كل واحد يخاف من خيالو
قولو لي واش بينا ياناس
لا تقولولي هذا زمان البالة والفاس
زمان الزهو والقرعة والكاس
لا تقولو ديها فراسك اش ليك بفريع الراس
شوية دالمحبة نضن ما فيها باس
هكدا صارو ناس اليوم
كل واحد فبحرو يعوم
ما يداويو جراح ما ينصرو مضلوم
من الحالة يا خوتي قلبي مضيوم
كيف ضميرهم مرتاح وكيف يجيهم النوم

اهلا بك أخي بوبكر شرفني مرورك أستاذي الكريم

اهلا بك أخي أحمد السبتي اسعدني تواجدك بصفحتي المتواضعة تحياتي لك اخي الكريم