سُوقْ الدُّنْيَا يَا هْلْ لْحَـــــــــالْ
سُوقْ امْوَازْنْهَا مَرْعُـــــــــودَة
الدَّاخْلْ للْحْملْ حَمّــــــَــــــــالْ
وُ لْخَارْجْ سَيرْتُو مْفْقـــــــــُودة


الشَّارِي بْ الرْخَـــــــــــا دْلاَّلْ
وُ لْبَايْعْ عَافْتُــــــــو الــــــدُّودَة
وُ الطّامْعْ فْ لْهْنَا رحَّـــــــــالْ
ذَايْقْ مْنْ حَرْهَا صْهُــــــــــودَا


يَا دُوكْ الطَّالْعِينْ لْجْبَـــالْ.. !؟
ما وَاتَتْكُمْ لبْــــــروُدَة.........؟
لُو كَانْ ثْمارْهَا فْ لَعْـــــــلاَلْ
كَانُو سَبْقُو لْهَا لْقْـــــــــــرُودَة


كي حْسَبْتُو خِيرْهَا شــــــلاَّلْ
مَمْدُودْ وُ مَا لِيهْ حْــــــــــدُودا
وُ حْسَبْتُو لِيلْهَا يَطْــــــــــوَالْ
وُ نْسِيتُو الدَّارْ لْمَوْعُــــــــودَة


كي لْحَڭْتُو لَمِّيتُو لحْبَــــــــالْ
وْ قُلْتُو طْرِيقْنَا مَسْـــــــــدُودَة
لْمَسْكين هْرِيتُوهْ نُخَّـــــــــالْ
و مُولْ لْعَوْدْ تْزِيدُوهْ عَـــوْدَة


عَشْتُو فِيهَا عيشةْ لْبْغَـــــــالْ
قْلُوبْ نَايْمَة وُعْقُولْ شْرُودَة
لْخَمْرَة هِيَ وُ بْلاَوِي شْحَـالْ
فْ وْلاَدْكُمْ قَنَّبْ مَعْقُـــــــودَة


عَشْتُو فِيهَا عِيشةْ لْنْـــــــذَالْ
وُتْقُولُو مْبَارْكَة مَسْعُــــــودَة
خْسِتُو يَا عْبِيدْ لْمَــــــــــــالْ
عَنْدْ رَبِّي نْوَقْفُو شْهُـــــــودَا

شكرا لكم أستاذي الفاضل سي سعيد على هذه الكلمات الرقراقة
المعهودة في تعاليقكم البهية لك مني كل عبارات الود الصادقة
..محبتي الخالصة