شفت شوفه في راسي
من راسي حتى لرجليا...
معجبنيش هاد لباسي
ولا حالتي فهادالدنيا

كيْت السر مدفونة
حر جمرها يكويني
راني مجدوب يا ميمونة
لكن عطشان رويني

صدمت عيني بقراني
والدوى من الدا يخرجوه
عايش في بلادي براني
حتى من الحال غيروه
قالو يقدموه يتحضر
قالو خلينا نبدلوه
جاو يزوقوه ..تخسر
ولاو بنصو قبلوه

زيرت قلبي ..ترخف
وكترت الزيار خصارة
وليت نتأتر بالخف
وبانت لي الدنيا حكارة
حتى كترت الهم ولفتو
وليت في خيالي نبنيه
قبل مايجيني توقعتو
وهكدا ..نوزنو نجليه

اما هي مكحلى لغيام
والرعد بالضحكة تصنعو
جايا مسبقه لخصام
قبل العيب تتوقعو

مول لمليح باع وراح
وانا ولفت داك لمكان
نزورو مع كل صباح
عالله يرجعلي ما كان

غيري قلع ومشى
وانا قالك ولاف
حتى من صبري رشى
على حالي وليت نخاف
منيش عارف واش نية
نقولو ربي يخلف
ولا قرصة من حية
نجري ونجاري نعرف

ربطت رجلي ويدي
وطلقت عيني تتسارى
جبت لمحاين عندي
وزعمت عليا الدسارة
ونزلتْ قلت لها أمري
خدامك إلى تكوني في داري
دغيا طلعات ظهري
قالت لي الرى يا حماري
منيش مدلول نسلك
ومنيش ديب نتختر
ديري تاويل حسن لك
قبل لا دوازك يخسر
غوبشات الحاجب قدامي
ووراي طولات الضحكة
أنا لي ضاعت يامي
وتلهيتْ بمضيغ المسكة[center]

[b]أسعد الله أيامك أيها الشاعر المبدع،زجليتك من قوافي ناس زمان،كلها معاني وحكمة ومهارة وصف للعين تبان،غير نظم وزيد فنظمك ،راك صايل عليك الأمان، وإيلا مضغت المسكة اليوم، غدا يفرجها عليك الكريم المنان.
تحيتي لك وكل التقدير والإحترام

ربطت رجلي ويدي
وطلقت عيني تتسارى
جبت لمحاين عندي
وزعمت عليا الدسارة
أخي العزيز مجدوب المنتدى محمد بوبكر استمتعت بالمعاني العميقة في هذه الزجلية الجميلة
مزيدا من التألق والعطاء محبتي وتقديري