يا زمان يا لغدار
يا كاسرني من ذراعي
طَيَّحْت من كان سلطان
وركَّبت من كان راعي
هزِّيتْ حَمْلَك شحا ل
وْثَقْلُو هدْ لي ظلوعي
شبت وشابت ايامي
شحا ل بكيت ونشفو دموعي
نصحوني الناس من غدرك
ولَكْلامهم غَطِّيت سماعي
هجرني من كان حبيب
وبقيت وحدي مع وجاعي
درت رايي وتبعت هوايا
ولحت راسي فِ عوافي
َمدِّيت يدي وطلبت لْعون
وَلا لقيت بينهم وافي
تشفَّاوْ فِيَّا وخذلوني
وما رحمو ضعفي
داروها فيا حْسيفة
من بعد ما شربو وكلاو رغيفي
هذا زمان صَّحْبة يا لجواد
وَصْلُو للبر وخليه يْفافي
ليوم عليا وغدا عليك
الناعورة سايرة وكتصفي