الى روح الفقيد الزجال الطيب العلج
بكات الكلمة الصادقة والحرف تمرج
وضاع الميزان والخيل حلف لا تسرج
والطير فالعش ضرب الرش وبغا يتفرج
جاوبو البوم وهو مضيوم ا داك المهجج
الكلمة راه بقات يتيمة وسطر النغمة تعوج
والدمعة تقبات السيما والحزن تهودج
على فراق الحلقة والمسرح والاستاد العلج
المعلم الزجال لي بين سلالم الكلام الموزون تدرج
خداتو المنية وحبل الحياة ...........تكرج
وانت واش ما جايب خبار ولا غير باغي تهرج

شكرا أخي العزيز الاستاذ عزالدين بلفقيه على هذه القصيدة الزجلية في حق المرحوم الزجال الكبير الطيب لعلج
رحمه الله واسكنه فسيح جنانه
جزاك الله كل الخير