جيت لبابك يا لغالب طالب التوبة
النفس شبكة لمصايب
رجعات ليك مغلوبة
رماتني بحبال لفتنة
لفاتني فتوابها مزروبة
حسبات حساب ظنها خاب
خرجات لحسبة مقلوبة
مولانا ستار عيوبي من كثرة ذنوبي
ولات حياتي بالسخط مغضوبة
مالي أوا مالي شينت عمالي
تساريت فلحرام زناقي ودروبا
سيد الرسول وصاني نداوم صلاتو وسلامو فساني
شغل الدنيا نساني سقيت فقربة متقوبة
كبيت لما فرمل على طريق ربي متهل
ناسي وقت لموت توصل أو ما تنفع التوبة
ياربي يا رحمان جيت حافي عريان
جود علا بلغفران زلاتي عندك مكتوبة
نتوسل بجد جدادي سيد الرسول الهادي
شريف لعباد الشفاعة عندو مطلوبة
ذليل فبابك خاضع فرحمتك ياربي طامع
نورك فدنيا ساطع و التوبة عنك محبوبة
هم الدنيا نساني على طريق الحق جلاني
زاد عماني شيطاني و ايامي عندك محسوبة

عبد الرزاق الفلالي

شكرا أخي الحبيب على كلماتك الرائعة
لك كل التقدير تحياتي