يا لايمني ف لهوا
أعذرني و ارفق من حالي
ماجربتي حر لكوا
ولا سهرتي تعد نجوم الليالي
هم لغرام مالقيت ليه ادوا
لا سبوب طالب ولا زيارت والي
عذروني يا الشامتين فيا
أنا مجدوب و جدي جلالي
أنا مجنون لغرام
لي ما عذر يتبلا بحوالي
دخلني دخلا حنينة
ما ظنتو يقطع وصالي
سقاني من كاس الجدبة
جايل بلقوافي هايم بوهالي
هجرت اهلي وبلادي
رحت نبري على صورة فخيالي
قطعت ودان طلعت جبال
نعشي بين لكرم والدوالي
ظليت نوض ونطيح نسابق الريح
ونقول هذا النهار التالي
سرقتني ليام أو زادت لسقام
تخلط لعرام و نفدات قوالي
إطيح الظلام نسكن نرتاح
نحط حملي و نربط جمالي
سهران نتسنا ضو الصباح
ونقول شوف من حالي يا العالي
مصيبة لغرام مصيبة
شتت شملي وبهدل حوالي
من يشرب كاسو يتعلق نعاسو
يكثر تنغاسو ويهجر لوالي
ظنتني شاطر نتخطا لقناطر
فشبكت لغرام تقضات حيالي
لهوا ما يقاومو عاقل
ولا يصارع تراس أزلي
أنا سايلك يا لايمني ف لغرام
واش قادر تسجن ظلي و خيالي
يالايمني أو ماعذرتي
مصيرك تجرب بحالي
تظل تبري علا من تشكي
وينك أبويا وينك أخالي
أما أنا بحت بسرايري
كشفت لمستور وجهرت بقوالي
لله يا العالي شوف من احوالي
هذا ارجا عبدك
عبد الرزاق الفيلالي
عبد الرزاق الفلالي
الرئيسية
موضوع: يا لايمني فلهوا 
الأربعاء 14 نوفمبر - 23:50
