الشهد ـ 1 ـ
النحلة طارت
صالت و جالت
ما لقات زهار
كيف زهارك
يا سيد العطار
صنعات منها عسل
من شدة حلاوتو
بدا يحرار
خافت عليه مل الغاشي
علاتو فوق لشجار
شمّو ريحتو شي قطّاعة
بلا ما يوصلو ليه
تزايدو عليه
وسط القاعة
نفوسهم كانت طماعة
جات الريح
هزات لشجار
شهد النحلة طار
و جا في بابك
يا سيد العطار
النحلة طاحت ف عارك
تترقب ما بين زهارك
شهدها بين يديك
باغيا تعرف
واش غ تصونو
ولاّ تخونو
يا سيد العطار
ــ سعاد فايزــ
12ـ 10ـ 19
الرئيسية
موضوع: الشهد ـ 1 ـ 
الخميس 8 نوفمبر - 1:04
