غربال لصحاب

شديت لوطا وجاتني القنطة
قلت نلعب لعبة الغربال
وليت تراجعت وضحكت ضحكة
واش أنا بعقلي ولا قاسني لهبال
اللعب ماهو عيب مع الناس لملاح
إطير القنطة ويمشي الحال
غربالي فريد غربال الصحاب
جنابو محاين صفايتو اهوال
صبيت فيه من العشران حفنة
تسربو من عيونو و غاضني الحال
أنا اللي صاحبت من كلامو كثير
عيونو مصايد ولسانو حبال
وقت الحزة يلقاك معبس شانت
أو فمصالحو لطيف إطرز لقوال
شحال من صاحب ما تظن فيه خير
وقت الشدة تصيبو سيد الرجال
يقطع من جنابو و يزيد يعطيك
بحالو ضاعو و امثالو قلال
شحال من صاحب توجد ليك وشحال من عشير
شهد العسل فلسانو..... و افعايلو افعال
فهمك و احزانك لا تطمع اواسيك
يعطيك بالظهر و يحرش لقوال
يا الزمان الغدار يا مشمت لعدا
بغربال الصحاب عرفت الرجال
معدن الناس فالشدايد إبان
تفرز الدهب من الطوب و الصلصال
غربل الصحاب زيد حك الغربال
تفاحة فياحة خير من عرام دنجال
أنا جربت نكويت كية
في قلبي باقية واشمة هلال
كنت نية الله في أرضو ماشي
بكمة تالف وسط لغوال
تدبحت مرات بالموس الحافي
صرفت محاين تهد الجبال
ضربت فكفي وقلت صافي
أنا نعاود ندير الثقة؟ محآآآآال

عبد الرزاق الفلالي

في قلبي باقية واشمة هلال
كنت نية الله في أرضو ماشي
بكمة تالف وسط لغوال
تدبحت مرات بالموس الحافي
صرفت محاين تهد الجبال
ضربت فكفي وقلت صافي
أنا نعاود ندير الثقة؟ محآآآآال

اهلا باخي الفاضل الاستاذ عبدالرزاق الفلالي وبابداعك الراقي سعيد بتعرف عليك عن قرب وسعيد جدا انك هنا وبيننا فمرحبا بك للمرة الثانية بمنتداك دواوين
لك كل التقدير والاحترام

غربالي وغربالك يغربل ويصفي /// وطيب القلب نحطو فرف من رفي ///ايام الحزة الي ما ليق يترمى فالمطفي /// ياخوي عف ويااختي عفي ///وللغيظ ياالمراة سفي ///وللكلا م الخبيث يااختي كفي ..يااخي فهد الوقت صفي تشرب والى عملت الخير مع قليل الصواب تلقاه فغيرو.راقتني زجليتك اخي الكريم.

تحية عطرة وألف شكر على استقبالكم الأخوي الذي يزيد القلم سخاء والحرف جمالا وبهاء
وهذا شرف لي فلكم مني خالص المحبة والتقدير و الإحترام