هانت عليك العشرة وبدلتيني

وخديتي اللي بغيتي ورمتيني

نسيتي الايام والملح والطعام

وخليتيني نعيش في الاحلام

وحيدة وانا غريبة

من بعد ماقلت هادي هي اصحيبة

اللي توقف بجنبي وتساندي

وتمسح دموعي وتعاوني

تقاسمنا الضحكة والبكية شحال

ودابا كل شيء اصبح م المحال

ولكن ثبتي لي حاجة زوينة

هي هاد الزمان مافيه ثقه

لا مع حبيب ولا مع صديقه

وللاسف هادي هي الحقيقه

اللي فرضها عليا الزمان

من بعد مادرت فيه ا لامان

خذلني وضحك عليا

وسرق مني الابتسامة حتى هي

اما قلبي فكيتو كيا

حيث مامولفش بالغدر

وما عمرش بالشر

وخا يغضب ويتقلق

ينسى كل شيء في دقايق

الله يسامح ليك وليا

على مادوزتي عليا

وراكي درت فيا مزيا

حيث عرفت راسي من رجليا