فين الايام وفين الاحباب

فين ناس زمان ومعاهم الاصحاب

جدودنا نصبوا الخيمة الكبيرة

وبناوا جذورها على اسس متينة

تجمع فيها العم والعمة

معاشرين مع الخال والخالة

مو نسين بالاحفاد ودايرين حالة

قلوبهم ماليها مثيل

والجود والكرم لكل عابر سبيل

الجار يسول ويدق على باب جارو

ويتقاسم معاه كل شيءوهو سريرو

المرة ولحلوة عايشينها بجوج

والمحبة بينهم كلها عطر في مروج

دارت الايام ورابت الدار لكبيرة

ودفنا الجدود بقلوب اليمة

ومع الزمان تفرقات الجورة والعائلة

ومابقى غير السخط

والغيبة والنميمة

ويلا سلك شي واحد

سعداتو بليلة

بنادم فضَّل مصلحتو على غيرو

وداها غير في راسو

وتمتع بوحدو بخيرو

ما همو لابعيد ولاقريب

ونسى الصديق والصحيب

اَ ش هاذ الزمان ياربي يارحمان

الشيطان تغلغل في قلب الانسان

صبغو بالسواد ونزع منو التقوى والايمان

اللعنة انتشرت في ذريتو

انغامسوا فيها وكل واحد و الموضا ديالتو

هاذ الزمان زمان غدار

واللي سايرو ما هو غير مشرار

ياَذي نفسو مع الناس ومع الله

وما يلقاها زينة لا فْ الدنيا ولا فْ الاخره

يابنادم كن ملاك على الارض

وتقوى بسلاح الايمان

ودير الخير وما تكونش منان

راها الدنيا فانيا

وخا تبان ليك هانيا

ورد بالك تخوي بيك

وتلوحك في نار كاديا

ضرب لحساب للحفرة والاخرة

لادير لاتخاف ونقي السريرة

تمشي هاني عند مولاك

بنفس مطمئنة

من بعد ماتخليت على السوء

واللوم كيف ديما