منتديات دواوين الثقافية و الأدبية

( الخروف الملهوط )
دارتها لي اللهطه
وخفت رجليا
شحال كليت من شحطه
وأنا مضروب على بحير
الزرع وكبال التركيه
كرموس وهنديه محطه
ف جنان دا الشافعيه
وحواض اجللبانه واللوبيه
بتقل الجغلاف مسهطه
وانفيلا منورا ومجيردا مسقيه
القرفادا ولات مع لكتاف مخلطه
طوابك وشاكل
وكزرتي تقالت عليا
بقيت غاد ولعوينات
فيا مبلطه
كالت لي امي النعجه
هاد الشوفه
ما خفات عليا
فكراتني ف اباك الحولي
كان طوله وتجريدا
والصوفه مدزوزا مكرطه
وكرونو ملويه
هزوه من الزريبه مسكين
ف نهار كانت لعباد
فيه مخلطه ومجلطه
دبحوه أوزعوه ضحيا
فصلوه وفرقوه
طويجنات وقطبانن مشويا
إنا طباسل هادي
ب ماطيشه وخيار
وبصله مشلضه
الكبد مشرمله والدواره
بالحمص وقليا
علاش شفتيني أنا
هكا ضعيفه مشلفطه
باش حتا واحد
ما يطمع فيا
وانت مزيرها قمح وشعير
وتكول اجنوي
ف عودك مسلطه
إوا دابا وجد راراسك لضحيه
الضريسي الباز حسن:
وعيدكم مبارك سعيد وكل عام وأنتم بخير

عيدك مبارك سعيد اخي
الضريسي البازحسن

بارك الله فيك أختي سعاد وشكرا لمرورك الطيب.

شميت فكلامك ريحة التراب و البادية
كلام طيب وجميل استاذ حسن
شكرا لك على هذا الجمال و عيدك مبارك سعيد
أنت ايضا وسامحنا واخا جات معطلة

محبتي الخالصة

الله يبارك فيك خويا عبد العزيز حضرك عزيز في أي وقت
كان والأسبقية لكطيبات هههه،سررت لمرورك المتميز أخي
زاكي مودتي.

» قصيدة
» قصيدة صيح
» عن قصيدة
» قصيدة صرخة
» قصيدة الوردة

منتديات دواوين الثقافية و الأدبية

منتديات دواوين الثقافية و الأدبية

قصيدة لخروف الملهوط