البعليوي عبد السلام
مشرف الزجل
عدد المساهمات : 1359
معدل النشاط : 1721
تاريخ التسجيل : 27/05/2010
الموقع : www.da-wawin.com
 |  موضوع: نجاة احسايني ..البير الموجوع  الخميس 25 أكتوبر - 23:41 | |
|
الهم بكاني على الدم
رشاني وخلاني عظم
ما بقى السؤال عل الحال
فين وفين على مانسمعو قال
حْبال الود مشات مع الواد
وبقيت في حالي نفكر فْ لَجواد
ايه يا ليام دايرة ناعورة
رافعة خافضة وعلى من الدورة
غدر الزمان وليام تحاماو
علي وعليك ما خلاونا نتلاقاو
فين لمجمع لحلو ومعاودة الاسرار
ياويلك من بنادم المغيار
يضحك ليك وقلبو كلو خديعة
يبيع ويشري فيك
وما انت غير وزيعة
نضحك ونتفكر ليام
ونقول آندايمي على شرالانام
يقدمو ليك الورد وانيابهم منداف
تحسبها تضحك
تَحَّسْكَكْ وما تعود تشاف
تقول عليها غير ديب ولاف
ينهش لعظام بقلب جاف
لله من عاش وسلك هاذ الدرب
سمعها مني نصيحة
وعنداك تغضب
دير الخير وانساه
وخلي البير بغطاه
الى قالك البير انا موجوع
سر وخليه قبل ماتولي متبوع
سوق الاربعاء 5/10/2012
| |
|
الرئيسية
