حزة وتفوت
قلم الدكتور المنصوري محمد نجيب

اميمتي خلاوني صحابـي
غدروني كلشي خـلـــف
ما صدقت خواو لي ركابـي
مالقيت فالدنيا اكتــــاف
وحدي نقاسي عذابـــي
الزمان لي ضربني ســرف
را الوقت خوالي جنابـي
مشات حياتي بـلا هــداف
تجبدو السيوف والحرابي
الغالب مـا بغى ايعـــف
قبــلت السلم بعطــابي
لي رفض سباب لخـلاف
ديالي زادني مصـابــي
حجروني منيــن نصرف
بعد الخير هــا عقابــــي
ما بقى ديــــن لا عـراف
نويت ايهزوني صلابي
من رزقي كلشـــي لهـــف
هادوك وقفو في بابــــي
تـناقزوا لسخرى اخفـــاف
شي يسكي و يعمرلي قبابي
شـي ينافق ويبوس لكـــف
شي يتزلف ولبي رغابي
شي محني يغسل لي طراف
الظلم من صلبي ونجابي
جات فالحجر بمن نعصف
شاد دموعي ا و تـنحابي
قلبي على ولادي ضعاف
اش لي اهزلي عذابي
لي غلب خصو ايعف
تلهيت بصحتي و مصابي
الوقت بذاتي عصاف
يا مي خرجت ما فجعابي
بربي و بسمك نهتف
لا صحة لا مال بدى اخرابي
دزت فالدنيا بلا سلاف
بنادم كلو لعابي
طول عمرو يبقى اي لف
يبان و يغبركسرابي
تبلل ومن زواقو كشاف
قال لي لحنش فاجنابي
ما نصدقو وخا احلف
ضلمو زربوفي خرابي
لمخير يدو خفاف
باش ما نسرف في عقابي
هاك حقك وتصرف
وطلبت من الله ثوابي
ودفعت الباس فشقاف
يامي والو ما جرى بي
كنت ناعس و نخرف
حلمي خديتو في غيابي
و بقى عبرة فالصحاف
هذه حلمة لشعر لي غرابي
و الشجية راه تشغف
المنصوري عز أقطابي
العائلة كلها أشراف
انتهت