مشيـــت لعـرس فالعـرايـــش وانا فـرحــــــان
لقـيـت البسمـــة فالوجـوه والتـرحاب تـمـــــام

هـنـاك تـجمعـوالاحـبـاب رجـال و نـســـــوان
الفـرحة فالـعـيون أوالقـلوب رايـمـة يا ســـلام

لـمة راقـيـــة جمعـات الأديــب و الـفـنـــــــــان
نـزلات فالـعـرايش ضيفــة ثـْلـْـثْ ايــــــــــــام

حـلاوي مغـربية ،واتاي منعـنـع فـالـكـيســـان
جولة سياحية ، وعـنايـــــــة وجـود و كـــــرم

رجـال شـداد فالتنظيــم اعـطاو البـرهــــــــــان
السلطاني و حـمانـو والـرامي حقـقـوالمْـــــرام

سـهـرة عـشناها بالنغـمة و الشعـر والغـيــوان
ومـرحـبا سمـعـناها مْـالْقـلب وخـير كــــــــلام

تـكـريم صاحب الموكـب الدكـتورعـبد الـرحمن
وتـوسيم محمودي فالدواويـن مـديــر عـــــــــام

ريحانة وشـنـوف و عـبيدو فالشعـر فــرســـان
السبتـي و بوخريص ومنـبع الكلام عـبد السلام...(المحـترم)

سطات و بيضاوا والقـلعـة وسـلا و حســـــان (الـرباط)
واهـل مـراكـش بالنـقايـم شـرفـــوالمـقـــــــــام

مول البانجـو وسرابت الـنسا يطربــو الاودان
نجيب طبيب لبيب والعلـيـوي حبيب يا كـــرام

والختمة بالتعظيم لكل مـن ساهـم فـالمهـرجـان
والسماحة نرجاها يا اللي مـا ذكـرتو بالـقـلــــم

تكـيطو بْالـدْعـا حـالكـــم يبـقى مـزيــــــــــــــان
و يرجـى مـا قـــــــال يـكــــون رايــــــــم روام

خـوكم اللـي ولـفـكـم أحـمد تكيطو الأندلسي
تحيـاتي لـكم جمـيعـا

يا لوليدات ها هو جاكم تكيطو
مشكيطو هدا واش من مشكيطو

السي احمد تيكيتو
اكتبتي وابدعتي يا فلان
نبعث ليك خير السلام
جبتي كلشي في التمام
واسميتي فلتها القلام
نتسالك زجلية والسلام
تحياتي وتقديري
اختك فتيحة رشاد

انت سيدتي

قـريت ألف ليلة و ليلة وشحال مـن كـــــــــتاب
و لا لقـيت اوصاافك يا فـتيحـــة رشــــــــــــــاد
بـقـلبـك الصافي شمعــــــــة بـيـــــن الاحـبـــاب
و جـودك الوافي يجـمـع الـقـراب و الـبـعــــــــاد
لـسانك مـا يعـرف خــصام و لا عــــتـــــــــاب
طبـعـك راقي خـلا ايامــــــــــــك اعـــيــــــــــــاد
انـت بـروحـك د نـيــا جـميلـــة كـلها أفـــــــراح
انـت فبـيـتك زهـــرة حـنـانــك منهـــا فـــــــــاح
وصايـتـك ودعـا ك لطريــق الخيـــر مفـتــــــاح
بالحكـمـة والـتدبـيـر فالظلمــات انـت مصبــــاح
بالبـسمــة و اللـمسـة انـت بلسـم يـداوي لجـراح
انت سيدتي
اوصافك عـاليـة ما لمـها كتاب ولا ديـــــــــــوان
أمومـتـك سامـيـة ما دركهــا جاه ولا سلـطــــــان
صورتـك زاهـية بـدع فيهــا الشاعــر و الفـنــان
رقـتـك راقـيــة ترضي بهـا كـبـار و صـبـيــــان
حياتـك غالـيـة و مقـامها عـالي فكـل زمــــــــان
واللــي بغى الومضة يقصدك ،انت العـــــنــــوان

"أحمد تكيطو"]مشيـــت لعـرس فالعـرايـــش وانا فـرحــــــان
لقـيـت البسمـــة فالوجـوه والتـرحاب تـمـــــام

هـنـاك تـجمعـوالاحـبـاب رجـال و نـســـــوان
الفـرحة فالـعـيون أوالقـلوب رايـمـة يا ســـلام

لـمة راقـيـــة جمعـات الأديــب و الـفـنـــــــــان
نـزلات فالـعـرايش ضيفــة ثـْلـْـثْ ايــــــــــــام

دخلنا مسلمين طالبين التسليم
فالباب كان سي ابراهيم والاخوان
لقلوب والا سما اكبيرة بلاتقديم
قلت احنى مالين العرس او لمكان
من الاول بغيناك والله عليم
عندك خوك فمراكش من زمان
ديما ديما تيكطو