ما تطلبش الغالي وتطلع عليا فالعالي
ونهار نحتاج نفرغ قلبي تقول وأنا مالي
كيف تطلب البسمة من قلب مش مرتاح
منين نجيب الفرحة وانا قلبي كلو جراح
عيت نراوغ قلبي ونقول اللي راح راح
نقول نبكي بالليل وننسى ملي يطلع الصباح
ما تطلع فالعلي بحالك من سعدو اللي لقاني
اما أنا نهار حتاجيت لقيت غير البراني
قرا همي وبكلامو وساني
أما نتا حضورك وغيابك بالهم اضناني
تزرع فقلبي الشوك وتتخبى فأحضاني
منين ليك وجه تزيد تطمع فحناني
ياخي الراجل الحر من الغمزة يفهم
وانت نبات بالليل والنهار نقمقم
لبستي الدربالة وعملتي عليا بوهالي
دموعي هوادة وانت قصار فالليالي
وجاي تتجبه وتطلب تملك قلبي الغالي
فين كنتي نهار بالغدر هرستي جناجي؟
فين كنتي ملي كل غريب سمع نواحي؟
فين كنتي ملي دمات جراحي؟
جاي اليوم تنظم القوافي وتقلق نعاسي
مابقا عندي قلب زمان بيه ندادي ونواسي
حرك وحر الزمان هرسولي راسي
بعد على دربي لا تجبد باسي