منتديات دواوين الثقافية و الأدبية

[font=Arial Black]
يالغافل

راه الدنيا زايلا
فين اهلك وناسو
عايشين لمقدرمن الله
كلا يعيش اقياسو
الكاس الى اتهرس يلقى باسو
والثوبة
تخرج من القلب
اقبل ما ينطقها المسجون بين اضراسو
الى لعقل ارزين
اتزعزع الغافل من ساسو
بها يتألم ونين
يضرب لحسبة لراسو
يهبش في اعماق ذاتو
ويصقل انحاسو
واش الحلم يضيع النايم في انعاسو

هكذا الدنيا زايلا
وكلا يتحاسب باعمالو
امتا ياخيي
امتى ياخيي
بالحق ينطق لسانك
وبالصدق يترفع شانك
سال
سال
عل لمحبة راها ابحر بلا ساحل
سال
عل الزيادة والنقصان
سال
عل الظلم والبهتان
سال
عل النفس الغافلة
فبحر الظلمة تالفة
النميمة تجري والغيبة تابعاها
سال عل الثوبة والباب المفتوح
سال علا ساعة اخروج الروح
و الحلق لمبحوح
سمعو يا الخوت
راني رايت امنامة
اكتاب في يد انعامة
سابحا في سما مولانا
شفت
الرعد بلا صوت
والشتا بلا ما
شفت اسبولة عطشانة
شفت
الواد احمل بلا اشعاب
رابت لجبال
وترفعت لهضاب
ولغيام بالدم ساحو
وانعامة رجعت احمامة
نطقت
بقدرة الله
مولانا
وقالت
اتكويت بحر الشمس
وادخلت لبحر الداني
ارماتني امواج زاندا
بقدرة الخالق الرباني
والفلك دار بيا
شاب اشعر ليام
جات ابريت ارحيلي
راه
الدنيا اسفينة
مادايمة لا ليكم ولا

ليا
نترجاو الله يغفر ليكم وليا

[/font]

الاستاذة المتالقة فتيحة رشاد
نقش بديع يعقد شراكة مع المتلقي لما يميزه من ملامسة للواقع
دمت بهية ودام قلمك فياضا

الله الله الله عليك يا أختي فتيحة، جمال القصيد يا أختي يرفعنا من دنيا الغفلة والزوال إلى عالم الخلود
ما أروع البوح حين يتكلم بصدق عن أصدق شيء

شكرا اختي الغالية المبدعة فتيحة رشاد على هذه الزجلية المعبرة
دمتي ودام عطائك
ودائما بانتظار جديدك الشيق
لك الشكر والاحترام والتقدير

طرحك جميل بجمال روحك
سلمت اناملك عزيزتي فتيحة
مزيدا من التالق

» إيه...يا الدنيا
» الدنيا ما دايماش
» الدنيا
» الدنيا
» شوية من الدنيا