ومَالَكْ يَاحَالي تْزيدْ ثْقَالي
ودْموعي نَشْفو
خْبَالَكْ حَزْمة ف خْيَالي
مَنْ جَا ليهْ يَنْتفو
ف نْسَاكْ نْسَى مَا يَجْرَالي
وجْدورَكْ يَخَلْفو
كلْ مَنْ ضْحَكْ تْكُولْ دْيالي
ف سَاعة يَغَيَّرْ حَرْفو
جَمْرة كَُادْية ف دْخالي
والله يعْفو

اخي واستاذي الفاضل البعليوي عبدالسلام سعيد ان اكون اول من يصافحك في هذه الزجلية الجميلة والمعبرة دام لحرفك البهاء
تحية قلبية من الاعماق ابعثها لك

هذا حالك يا البوهالي
يا المسكون ب هبالك وهبالي
وهبالي حر الحرف
اللي من غيرك ما يحلالي


منبع الكلام السي عبد السلام
نص والله يستحق القراءة والتمعن
دمت لنا مبدعا متألقا


عثمان حسيني
ولد بلادك

البعليوي عبد السلام كتب:

حَالي

شفَّاني حَالَكْ يَا حَالي
الله يَعْفو
يَهيجْ هْبالَكْ يَطْلَعْ هْبَالي
وسْوَاكَنْ ما رَخْفو
رَدْ بَالَكْ يَابالي
رَاهُمْ يَشَتْفو
يَبيعْها ليكْ ويَشْرهالِي
وتْقَلْ عل كَتْفو
وَاليكْ يا واليكْ بلا والي
ف لْحَزَّة نَسْفو
السالَكْ مَا راعا لَمْسالي
لا نْزَلْ عَطْفو
يَاعَارَكْ تْمَعَّنْ سْئَالي
لاَتْوَدَرْ صَرْفو
مَنْ عْبَاركْ لْخالي خَالي
طْبَلْ لَخْوا جوفو
سَوَّلْتَ حَالي ونَا مالي
لَجْوابْ ماعَرْفو
شَفْتِ وشُوفة مَا تَحْلالي
كُلْهَا غَطا طَرْفو
ومَالَكْ يَاحَالي تْزيدْ ثْقَالي
ودْموعي نَشْفو
خْبَالَكْ حَزْمة ف خْيَالي
مَنْ جَا ليهْ يَنْتفو
ف نْسَاكْ نْسَى مَا يَجْرَالي
وجْدورَكْ يَخَلْفو
كلْ مَنْ ضْحَكْ تْكُولْ دْيالي
ف سَاعة يَغَيَّرْ حَرْفو
جَمْرة كَُادْية ف دْخالي
والله يعْفو

البعليوي عبد السلام

هذاك حالك
وهذا حالي
سعدات اللي اتسكٌم سعدوا
كلا هاز همو على اكنافو
والد موع قد ما سالو ينشفو
انطلبو السلامة اجميع ولغفو

تحياتي لك
لحرفك البهي
ايها المراكشيي الجليل
سيدي عبد لسلام البعليوي
اختك فتيحة رشاد

الحال حال
والدنيا حوال
وانت وانا مآلنا للزوال
استادي عبد السلام البعليوي
سلمت وسلمت اناملك

تبارك الله على زجالنا السي عبد السلام البعليوي
سرابة مسرسبة الله يعطيك الصحة

كلامك السي عبد السلام بيرو عامق
معاني كثيرة لابسة حرف لايق
كلها حكم تطرب السامع الذايق
اللي خذا بها مايندم ويعيش عايق

بورك قلمك سيدي ودمت لنا منهلا للحكم والامثال.تحياتي

البعليوي عبد السلام كتب:

ومَالَكْ يَاحَالي تْزيدْ ثْقَالي
ودْموعي نَشْفو
خْبَالَكْ حَزْمة ف خْيَالي
مَنْ جَا ليهْ يَنْتفو
ف نْسَاكْ نْسَى مَا يَجْرَالي
وجْدورَكْ يَخَلْفو
كلْ مَنْ ضْحَكْ تْكُولْ دْيالي
ف سَاعة يَغَيَّرْ حَرْفو
جَمْرة كَُادْية ف دْخالي
والله يعْف

الله استاذي البعليوي عبد السلام
توقفت كثيرااا هنا بين الحرف والحر
ف وتسطير المعنى وعمقه
واحساسه ايضا رائعة لا تكفي

تحياتي وسلامي وتقديري ل سي عبد السلام البعليوي
كل ما تكال ومزال يتكال فيك ما يوفي حقك وانت من
مشايخ لكلام أسود لمعاني وحنا شبال وعمر العين
ما تعلى ع الحاجب سدي يا اشاد ف الحرف وقابط
فيه الحال والدنيا فيها شلا حوال
تحية من تلميذة معجبة ب استاذها