أنا ما كاينش
أحمد لمسيَّـح
يمكن أنا حلمة
حلم بها شي حد... وطاحت في الما
يمكن شي حاجة
تخيَّـلها شي حد
يمكن ظل سحابة
يمكن مْوَيْهة وتبخْـرت
يمكن متبوع - هربان..
وتخبيت في كناش الإحصاء
يمكن كنتْ والو...
وعطاوني سمية
يمكن نكون بوغطَّاط لشي واحد
وانا باقي ما كاينش
يمكن كنت حرف على الورقة ... وتـَّمحيت
يمكن كنت سطر محرَّز
ولمَّا عرفو سري، ما بقيتش كاين
......
......
يمكن يد وبلا بصمة
يمكن شي خيال ومْحاه الضو
.... يمكن .... يمكن .....
يمكن أنا كذبة... أنا ماكاينش
أنا كثيربالزاف ... هي ما كاينش
يمكن قـُلـْتْ ليَ :
إيلا دق شي حد قل له أنا ماكاين...
ومشيت منِّي ... باش مانبقاش كاين....
........
........
كل واحد مفصَّـل لي قناع
راسم لي سفة كِ بغى هو..
أنا ما كاينش ...
جماعة ماحْياني
جماعة بالـْعاني
جماعة فيها مذوْباني
جماعة ساكـْناني
جماعة بغات تكونِّي
حماعة بغات تكون هي مرايتي
جماعة مخبْية في لساني
......
......
أنا وقيلَ ماكاينش...
أنا ... نيت ماكاينش
بغيت نكون ... بغيت ....
شحال بغيت....
ولكن ..... باقي ....
بْلا بـِكم ..... أنا ... ماكاينش
فجر03-7-2012
الرئيسية
موضوع: قصيدة أنا ماكينش للزجال أحمد لمسيح 
الجمعة 13 يوليو - 17:07
