بغيت نفهم نفسي ونفهم الحياة والناس
بغيت نفهم علاش شي لاقي كلشي
وشي من الهم ماداه النعاس
قلبت في دواخلي قلت يمكن
يكون العيب فيا علاش نظلم الزمان والناس
أو يمكن تكون هاد الشكوى مالها أساس
بقيت حيرة آش نصدق العقل ولا الإحساس
حاولت نفهم علاش اللي معندو فلو س كلامو مسوس؟
يامو كحلة و فين ما مشا يقولو عليه منحوس؟
وعلاش اللي الله عطاه ديما عايش فوسواس؟
وعلى المال عامل جنود وحراس؟
آه يا المسكين مالك مكتفهمشي
راك عتخليه وتمشي
ومعاتخد معاك غير إلى عملت الخير أوصدقتي
وآه نقولا على المهموم بالقفة علاش معمرتشي
صحيح الحال صعيب وميفرحشي
والدموع تسيل في مرات ومتوقفشي
لكن افتح العين اللي فروحك
وشوف واش صاحب المال
شبعان ويقول مخصنيشي
هاد حال الدنيا مرة الهم يرشي
ومرة من الضحك نشبر في كرشي
هادا حال الدنيا هاللي مهموم ها اللي مصدوم
ها اللي فرحان ها اللي بالضحكة مالي المكان
بغيت نفهم ولكن هاد الدنيا متفهمشي
لقيت راسي ندور في دوامة مالها أساس
وليقت نفسي غلطانة ومنعرفشي
كيفاش منفرحشي وصحتي عندي
ووالدي عيشين في قربي
وخواني وصحابي ما ينفقوني
كيفاش منفرحشي
والشتا إلى نزلت معاها نبكي
والشمس إلى شرقت أيامي ضوي
والطير إلى غرد معاه نغني
كيفاش منفرحشي والله الرحمان ربي
رسالتي ليك يا المضيوم ويا القنطان
ويالفقير ويا العيان
رمي كلشي وراك متخممشي
راه الدنيا دوراة على حال مدومشي
أكيد عيجي النهار اللي عتكون فيه
فرحان ومزيان
وأنت يا صاحب المال
ياللي بالك مشطون تفكر شنو نبني شنو نزيد
وفين النقصان
راه الدنيا دوارة على حال مدمشي
ورد بالك ومتنساشي باش متندمشي
بغيت نفهم نفسي والحياة والناس
لكن هاد الدنيا متفهمشي......
خولة تنتين في:2012/07/10

سلمت الايادي الطيبة في الابداع والتواصل المستمر اختي الفاضلة المبدعة خولة تنتن
جميل مانقشته هنا
تقبلي مني خالص الود والتقدير

السلام عليكم أستاذي سعيد محمود ييسعدني جدا حضورك الأنيق ومتابعتك الطيبة لكتاباتي المتواضعة تزودني بشحنات معنوية كبيرة أشكرك جدا وجدا

تلميذتك خولة تنتين

السلام عليكم أستاذ عبد العزيز زكي بداية مرحبا بك في منتديات دواوين ملاحظتك القيمة أفتخر بها وسأعمل بها إن شاء الرحمان فقط لكي أكون واضحة فأنا لست زجالة ومشواري في كتابة الزجل لم يتعدى الأشهر فهذه السطور المتواضعة هي ثاني محاولة في كتابة الزجل وصدقني لولا التنويه الذي حظيت به من طرف الأساتذة الأعزاء لما تجرأت على كتابة الزجل. على العموم كنت سعيدة جدا بمرورك البهي وبملاحظاتك القيمة

لك كل الود خولة تنتين

خولى تنتن كتب:

السلام عليكم أستاذ عبد العزيز زكي بداية مرحبا بك في منتديات دواوين ملاحظتك القيمة أفتخر بها وسأعمل بها إن شاء الرحمان فقط لكي أكون واضحة فأنا لست زجالة ومشواري في كتابة الزجل لم يتعدى الأشهر فهذه السطور المتواضعة هي ثاني محاولة في كتابة الزجل وصدقني لولا التنويه الذي حظيت به من طرف الأساتذة الأعزاء لما تجرأت على كتابة الزجل. على العموم كنت سعيدة جدا بمرورك البهي وبملاحظاتك القيمة

لك كل الود خولة تنتين